салгах

Монголоор

Үгийн дуудлага

[salaǧᴧ]

Үндэсний бичиг

(салг-а)

Галиглах зарчим

Үгийн утга

үйл.

1. Хамт байсан зүйлийг ангид болгох, тусгаарлах
2. Байхгүй, үгүй болгох, хагацаах
3. Ялгах, ангилах
4. Гэр бүлийн хүмүүсийг хагацуулах
5. Цахилгаан гүйдлийг таслах
6. Бусдын зүйлийг ямар нэг аргаар өөрийн болгох

Нийлмэл үг

арьс хөрснөөс нь салгах - тухайн зүйлийг бүрхэж байсан арьс хөрсийг нь хуулах

модыг мөчрөөс нь салгах - модны мөчрыг цавчин цэвэрлэх, модыг мөчиргүй болгох

өрх салгах - өрх тусгаарлах

наалт салгах - наалдсан хэсгийг нь хуулан ховхлох

лацыг нь салгах - лацыг нь авах, хөндөх

утас салгах - нийлсэн утаснуудыг тусгаарлах

салгаж авах - ямар нэгэн зүйлийг тусгаарлан авах

унаа малаас нь салгах - унаа малгүй болгох, явгаруулах

бодлоос салгах - бодлыг нь үймүүлж сарниулах

амьдралаас нь салгах - амьдралгүй болгох

хоолноос нь салгах - амьдрал ахуйг нь тэтгэн тэжээж байсан зүйлээс нь хагацуулах, ажил төрөлгүй болгох

мал салгах - мал тасалж өгөх

хонь ямаагаа ялгаж салгах - хонь ямаагаа ангилан ялгах

ах дүүгээс нь салгах - ах дүүгээс нь хагацуулах

эхнэрээс нь салгах - эхнэрээс нь тусад нь амьдруулах

ятган салгах - бусдыг ятгасаар дотнын хүнээс нь холдуулах

гэрлээ салгах - гэрлээ унтраах, таслах

Зөв бичихзүй

Үг хувилгах зарчим

Кирил бичгийн зөв бичихзүй

сал|га/х үйл. сал­гана, салгажээ, салгая, салгаж; сал­галцах, салгазнах, салгацгаах, салга­чих

Хоршоо үг

• салгах нийлүүлэх - хамтдаа байсан зүйлсийг тусгаарлах болон салангид байсан зүйлсийг нэгтгэх
• ялгах салгах - а.хольцолдож нийлсэн зүйлсийг ангилж тусгаарлах; б.шилж. аливаа зүйл, хэрэг явдлын учир начрыг ихэд тунгаан үзэх
• салгах сарниулах - а.хүмүүсийг хооронд нь хагаралдуулах; б.нийлж нэгдсэн зүйлийг тусгаарлах

Хэлц үг

Өвөрмөц хэлц

нүд салгах - харцаа шилжүүлэх, харц буруулах

↑боорцогных нь савнаас салгах

↑ нүд салгах

↑ нүд салгахгүй

↑ хоормогных нь савнаас салгах

Аман зохиолд орсон нь

Зүйр үг

Салгавч санаа нь нэг

Зайдуулавч зан нь нэг

Тайлбар: хувиршгүй сэтгэлтэй, үнэнч