нялх

Монголоор

Үгийн дуудлага

[nilxă, n'ȧlxă]

Үндэсний бичиг

ᠨᠢ᠊ᠯ᠊ᠬ᠎ᠠ

(нилх-а)

Галиглах зарчим

Үгийн утга

тэм.

1. Төрөөд удаагүй, сая төрсөн
2. Өвс ургамлын ургаж байгаа, дөнгөж цухуйсан нь
3. шилж. Эрт, бага залуу
4. шилж. Хүний ухаан санаа, зан ааш томоожоогүй, хүүхэд мэт

Нийлмэл үг

нялх биетэй эх - саяхан амаржсан эх

нялх хүүхэд - сая төрсөн буюу төрөөд удаагүй хүүхэд

нялх тугал - эхээс төрөөд удаагүй тугал

нялх шүд - хүүхдийн ясжиж бэхжээгүй шүд, сүүн шүд

нялхын халуун - нярайлсан эхэд тусах нэгэн зүйл өвчин

нялх нахиа - ургамлын сая урган цухуйж буй нахиа

нялх ногоо - цухуйгаад удаагүй ногоо

нялх балчир үе - хүмүүжиж томоожоогүй бага насны үе

хар нялх - бага балчир

хар нялхаасаа тоглож өссөн нутаг - бага наснаасаа тоглож өссөн эх нутаг

нялх зун - зун болоод удаагүй байгаа нь

нялх зан - хүүхдийн зантай адил гэнэн хөөрүү, бодлогогүй зан байдал

нялх бодолтой хүн - хүүхэд адил гэнэн, томоогүй са-наатай хүн

Зөв бичихзүй

Үг хувилгах зарчим

Кирил бичгийн зөв бичихзүй

нялх тэм.. ~ балчир хорш.

Хоршоо үг

• нялх бага - нас залуу, бага балчир
• нялх балчир - бага жаахан, нярай хүүхэд
• нялх нойтон - а.хүн, амьтны үр төл гараад удаагүй байгаа нь; б.бага балчир хүүхэд
• нялх нялзрай - бага жаахан
• нялх нярай - төрөөд удаагүй хүүхэд

Хэлц үг

Хэвшмэл хэлц

Настай хүн явснаа

Нялх хүүхэд үзсэнээ

Настай хүнийг хүндэлж яв

Нялх хүүхдийг асарч яв

Нялх ногоонд хур хэрэгтэй

Нялх хүүхдэд сургаал хэрэгтэй

Нялх хүүхдэд тэмээний алтан ноолуур наалдана

Аман зохиолд орсон нь

Зүйр үг

Өчүүхэн нялхад эхийн сүү өсөх цагт эцгийн элбэрэл

Тайлбар: бага балчир хүүхдэд эхийн сүү шиг хэрэгтэй зүйл байхгүй, харин өсөх насанд эцгийн сургаал шиг хэрэгтэй зүйл байхгүй

Нялх ногоонд хур хэрэгтэй

Нялх хүүхдэд сургаал хэрэгтэй

Тайлбар: хүүхдийг багаас нь зөв хүмүүжүүлэх нь чухал

Цэцэн үг

Нялх тугал барсаас айхгүй

Тайлбар: бага балчир хүн, амьтан аюулыг мэдэхгүй