нум(ан)

Монголоор

Үгийн утга

нум(ан) нэр 1Харваж намнахад хэ¬рэглэх хөвч бүхий зэвсэг, спорт тоглоомын нэг төрөл: саадагтай нум (ширэн саванд хийсэн нум), нум буух (нумны хөвч мултрах), нум гажих (нум муруйн тахийх), нум галжиртах (нум гажих), нум гүйтэх (нумны хөвчийг мулт¬лах), нум орох (нумны нэг тал гэдрэг нугарах), нум татах (нум барьж хөвч¬нөөс чангаах), нум тэлэх (нумыг гүйцэд татах), нумны амгайвч (нумны хөвч торгох ац хэлбэрт зүйл, торомж), нумны баатар (нумны хайгуулын дэргэдэх дүгрэг зүйл; нумны товх), нумны бариул (нум барих газар), нумны бэлчин (нумны бариулын хоёр этгээд дэх элэг хадах газар), нумны галжир (нумны гажиж муруйсан хэсэг), нумны гичир (нумны бэлчинд хадсан мод), нумны үүсгэр (нум хийхээр бэлдсэн мод), нумны товх (нумны баатар), нумны тэвх/нумны хайгуул (нумны хөвчийг тосох гандгар газар), нумны хөвч (нумыг махир болгон тогтоох, сум тийрэх эрчилсэн сур), нумны хөвчлүүр (нумны амгайвч), нумны хэрсүү (нумны үзүүрийн гандгар), нумны элэг (нуманд наасан эвэр), нум зэв хорш. (харваж намнахад хэрэглэх зэвсэг), нум зэвсэг хорш. (харваж намнахад хэрэглэх байл¬дааны хэрэгсэл), нум сум хорш. (хөвчийг нь татаж харвах хэрэгсэл, түүний харвуул), нум сум барих (харвах зэвсэг барих), сумаа харваад, нумаа нуух цэцэн. (хорт муу хэргийг хийгээд ул мөрөө баллах), нумны хөвч нь сул бол сумны тусалт нь муу зүйр. (аливаа бүхэн тохирсон хэмжээнд хүрч байж амжилт олдог), нум хэдий хүчтэй боловч хөвчөө таслахгүй, нуур хэдий их боловч эргээ давахгүй зүйр. (юм үзэгдэл тогтсон нөхцөл хязгаараасаа давж чадахгүй); 2Тойргийн хүрээний нэг хэсэг, хагас дугуй: нуман энгэр (дээлийн энгэрийн дээд өнцгөөс суга хүртэлх муруй ух¬лаадастай хэсэг); 3Тэрэг, автомашины донсолгоог зөөлрүүлэхийн тулд хийсэн уян хатан болд төмөр: тэрэгний нум (тэрэгний тэнхлэгт суулгасан төмөр); 4Нум адил хэлбэр бүхий: нуман тамга (нум мэт махир зураастай тамга), нуман тулгуур (чөлөөт бөхийн барилдааны нэг мэх), нуман тулгуурт орох (хүнд, яалт ч үгүй байдалд орох), өлгийн нум (өлгийн цамхаг хийх нум хэлбэрт модон холс), солонгын нум (солонго татахад үүсэх нум мэт хэлбэрт хүрээ), *нуман жагсаал (хавирган сар мэт хэлбэртэй жагсаал), нуман түлхүүр (байлдааны үеийн нуман жагсаал); 5Газар тариаланг хэмжих хэмжүүр, нэг нум нь таван тохой га¬зартай тэнцэнэ.

'

'

'

'

'

'

Холбоо үг

• саадагтай нум - ширэн саванд хийсэн нум
• нум буух - нумны хөвч мултрах
• нум гажих - нум муруйн тахийх
• нум галжиртах - нум гажих
• нум гүйтэх - нумны хөвчийг мулт¬лах
• нуман энгэр - дээлийн энгэрийн дээд өнцгөөс суга хүртэлх муруй ух¬лаадастай хэсэг

Зүйр цэцэн үг

нумны хөвч нь сул бол сумны тусалт нь муу - аливаа бүхэн тохирсон хэмжээнд хүрч байж амжилт олдог нум хэдий хүчтэй боловч хөвчөө таслахгүй, нуур хэдий их боловч эргээ давахгүй - юм үзэгдэл тогтсон нөхцөл хязгаараасаа давж чадахгүй

Зөв бичих зүй

• м.к.б
• м.б

Монгол бичиг

NomO - Nomoa