нударга

Монголоор

Үгийн дуудлага

[nudăraǧᴧ]

Үндэсний бичиг

ᠨᠢᠳ᠋ᠣ᠊᠊ᠷ᠊ᠭ᠎᠎ᠠ

(нидург-а)

Галиглах зарчим

Үгийн утга

нэр.

1. Монгол дээлийн хан­цуйны үзүүрт хийх туурайн хэлбэртэй хөвөө
2. Зангидсан гар
3. шилж. Дадлага, чадвар
4. Өөрийн чадал чинээ, эрх мэдлээрээ түрээ барих байдал
5. Хүч чадалтай, төлөв төвшин

Нийлмэл үг

нударга буулгах - а.нударгаа доош нь унжуулах; б.шилж. зодох

нударгаа сэгсчих - дээлийн үзүүрт байх туурайн хэлбэрт зүйлээ олон дахин сэгсрэх

нударга сөхөх - нударгаа эргүүлэх

нударга тавих - нударга унжуулах

нударга шамлах - нударгаа сөхөн зодохыг зав­дах

булган нударга - булганы арьсаар хийсэн нударга

хар хурган нударга - хар хурганы арьсаар хийсэн нударга

нударган үндэс урга. - өндөрдүү, модон дотор ургадаг олон наст өвс, үндэс нь эмд орно

шувуун нударга урга. - ууланд ургах, үндсээр нь гурил хийж идэх нэг зүйл навчирхаг ногоо

нударга зангидах - гарын таван хурууг чанга атгах)

нударга суух - дадал, чадвартай болох

нударга заах - а.дадлага, чадвараараа тэргүүлэх; б.хүчээр үзэх

Зөв бичихзүй

Үг хувилгах зарчим

Кирил бичгийн зөв бичихзүй

ну|дар|га нэр. нударганы, нударганд

Хэлц үг

Өвөрмөц хэлц

нударган баян - а.ядуусыг дарлан мөл­жигч баян этгээд; б.үе дамжсан хөрөн­гөтөн

нударга амсуулах - зодох~Түүний биеийн өндөр болоод арвин туршлага өрсөлдөгчид нь олон ч удаа ширүүн нударга амсахад гол нөлөөг үзүүлсэн гэж болно.

нударга заах - илүүрхэх~Жамьян бээс нударга зааж, шударга биш байдал гаргаж... байв (Ц.Уламбаяр, Зовлон жаргал).

нударга зангидах - хорсон занах~Эр хүн нударга зангидаж хорслоо тайлдаг, эм хүн өмдөө шувталж хорслоо тайлдаг (Д.Цэнджав, Алтан жүн жор).

нударга зөрүүлэх - зодолдох~Чэнь Жэнь өнөө хэр чонотой нударга зөрүүлэн учрах тохиол хараахан гараагүй л байгаа юм (Зян Рун, Чонон сүлд).

нударга суух - дадал, чадвартай болох~Аавдаа гар хөлийн үзүүрт нь тус болж, гэрийн яс мод хийлцдэг байсан болохоор нударга суусан гэж хэлж болно.

нударга шамлах - зодолдохыг завдалхийлэх~Хүрлээ түүндээ улам зориг орж, ханцуй хаялж ирээд, нударга шамласан лам нартай ана мана үг хэлэлцдэг болжээ (П.Хорлоо, Багш).

нударган баян - а.ядуусыг дарлан мөлжигч баян этгээд~Орилоо Цамбыг мөлжигч нударган баян гэсэн гэдэг шүү. б.үе дамжсан хөрөнгөтөн

нударган зодоон - гараар хүч үзэн тэмцэлдэх нь~Хотын сургуулийн нударган зодооны аварга Болдоо, хүндийг өргөгч Ганбаа хоёр жаахан биеэ барьсан янзтай зэрэгцэн сууж... (Г.Дамба, Боохойн гижиг).

нударганы амт үзүүлэх - зодох~Асашёорюү Д.Дагвадорж япон эрд нударганы амт үзүүлснээсээ болоод зодог тайлсан уу?

↑ бухын хамрыг нударгаар нүхлэх

↑ долоон нэхийгээр таван нударга эсгэх

↑ нусаар нааж, нударгаар шаах

↑ төрийн төмөр нударга

Хэвшмэл хэлц

Нулимс унагахаар

Нударга зангид

Нуруу сайтай нь ус дамнана

Нударга сайтай нь гурил нухна

Нусанхай шар нь шал түлнэ

Аман зохиолд орсон нь

Зүйр үг

Нулимс унага­хаар нударга зангид

Тайлбар: зовлон тохиолдоход сэтгэлийн хат, тэвчээртэй байх хэрэгтэй

Ухаантай хүн үгээрээ сургах

Ууртай хүн нударгаараа сургах

Тайлбар: хүн бүрийн сургах арга адилгүй