мөнх

Монголоор

Үгийн дуудлага

[mцŋxц̆]

Үндэсний бичиг

ᠮᠣ᠊᠊ᠢ᠊ᠩ‍ᠭᠡᠡ᠋

(мөнгхэ)

Галиглах зарчим

Үгийн утга

тэм.

1. Юмс үзэгдлийн хувирч өөрчлөгдөхгүй, харьцангуй бат бэх орших чанар, үүрд, эгнэгт
2. хуучир. Найман хүллийн нэг, тэнгэрийг төлөөлнө

Нийлмэл үг

мөнх дуурсагдах - үүрд дуурсагдах

мөнх зул - үргэлж асах зул

мөнх ногоон ургамал - жилийн дөрвөн улиралд үргэлж ногоон өнгөтэй байдаг ургамал

мөнх сарьдаг - мөнх цаст уул

мөнх цас - өндөр уулын оройд тогтсон хайлдаггүй цас

мөнхийн ус - уусан хүн үхдэггүй хэмээн үлгэр домогт гардаг шидэт ус

мөнх цэвдэг - газрын хөрсөн дор ба дээр байх үргэлжийн хөлдүүс байдал

мөнх бус - хамаг юм хэзээд өөрчлөгдөх жамтай

мөнх бусыг үзүүлэх цээр. - нас барсныг цээрлэн хэлэх

мөнх бусыг үзэх - нас барах

мөнх нойрсох - нас барах, үхэхийн хүндэтгэл

үхэлгүй мөнх - хэзээ ч үл үхэх

мөнх өвс урга. - мөнх ногоон олон наст өвс, өлзийт өвс

мөнх харгана урга. - навч нь ганддаггүй, нэг зүйл харгана

мөнх сугас амьт. - мөрөн голд төрдөг, өнгө хар, толгой том, хайрстай нэг зүйл загас

мөнх хөх тэнгэр - монголчуудын бөөгийн мөргөлийн шүтээн тэнгэр

Зөв бичихзүй

Үг хувилгах зарчим

Кирил бичгийн зөв бичихзүй

мөнх тэм.. эгнэгт) ~ дуурьсах, мөнхийн, мөнхөд

Хоршоо үг

• ашид мөнх - үүрд, эгнэгт
• өнө мөнх - удаан хугацаанд хувирдаггүй мөнх
• үүрд мөнх - үргэлж, эгнэгт
• энх мөнх - эгнэгт амар амгалан байх нь

Хэлц үг

Өвөрмөц хэлц

мөнх нойрсох - үхэхийн хүндэтгэл~Түүнийг ганцааранг гэр орхиод хоёрхон минутын зав болоогүй бээр, бид буцан ороход хэвтээ түшлэгт сандал дээрээ тайвуухан нойрссон байлаа. Гэтэл нэгэнтээ мөнх нойрсжээ (Марксын бунхан дээрх яриа). ~Өвөө минь, гэнэт нүдээ хүчтэйхэн нэг нээж аваад “Хүү минь! Чиний шарнуудыг цөмөөр нь устгаж аавын өшөөг авч өг!” гээд амьсгалаа хурааж мөнх нойрсчихов (Намхайсүрэн, Ураг).

↑ ертөнцийн мөнх бусыг үзүүлэх

↑ орчлонгийн мөнх бусыг үзүүлэх

Хэвшмэл хэлц

Мөнгө ховдог

Мөнх тэнгэрт

Мөнх бусыг бодолгүй

Мөрийн өндрийг хүсэшгүй

Мөнх настай

Мөнгөн дөрөөтэй

Энх жаргаж

Мөнх наслах

Аман зохиолд орсон нь

Зүйр үг

Төв шударга мөнх

Түрэмгий зусар хэврэг

Тайлбар: үнэнч байдал үргэлж орших

Алт шороонд дарагддаг

Алдар мөнхөд дарагддаггүй

Тайлбар: үнэн шударга явдал хэзээд үл мартагдах

Цэцэн үг

Эд нь хэврэг

Эзэн нь мөнх байг

Тайлбар: шинэ хувцас өмсөхөд хэлэх ерөөлийн үг