мушгих

Монголоор

Үгийн дуудлага

[muʃxĭ]

Үндэсний бичиг

ᠮᠣ᠊‍ᠰ‍ᢉᠢ‍ᠠ‍‍ᠠ‍ᠣ

(мусхи)

Галиглах зарчим

Үгийн утга

үйл.

1. Юмны хоёр талаас барьж эрчлэн эргүүлэх
2. Ямар нэгэн техник хэрэгслийн эрэг шураг болон жолоог эргүүлэх
3. Эсрэг бөхийнхөө хөлийг ташихгүйгээр гарынхаа хүчээр нурууг нь муруйлган дарж унагаах мэх
4. Гэдэс базлан өвдөх
5. шилж. Хилсдүүлэх, хэрэг хүчээр тулган хүлээлгэх, ёс журмыг гажуудуулах

Нийлмэл үг

өвс мушгих - хадсан өвсийг бөөгнөрүүлэн эрчлэх

чангалан мушгих - нойтон даавуу зэргийг эрчлэн эргүүлж усыг нь шавхах

жолоо мушгих - а.жолооч болох; б.машины жолоог эргүүлэн тэрэг барих

мушгиж хаях - мушгих мэх хэрэглэн хаях

гэдэс мушгих - гэдэс ойр ойрхон базлах мэт өвдөх

мушгин гүжирдэх - хэрэгт холбогдуулах гэж зориуд гүжирдэх

Зөв бичихзүй

Үг хувилгах зарчим

Кирил бичгийн зөв бичихзүй

муш|ги/х үйл. мушгина, муш­гилаа, мушгия, мушгиж; мушгилцах, мушгицгаах, мушгичих

Хоршоо үг

• мушгих гуйвуулах - хэрэг явдлыг гуйвуулан, хилсээр зэм хүртээх

Хэлц үг

Өвөрмөц хэлц

сүүл мушгих - а.ажил хэргээс үлдэж хоцрох, хожимдох; б.уралдаан тэмцээнд адагт орох; в.юмны төгсгөлийг үзэх, харах

↑дээлийн захыг нь мушгих

↑ замын хүзүү мушгих

↑ сүүл мушгих

↑ хүзүү мушгих

Аман зохиолд орсон нь

Зүйр үг

Муугийн туйл сайн

Мунхгийн туйл мэргэн

Мохдогийн туйл хурц

Мушгихийн туйл зөвшөөмөр

Тайлбар: хэрэг явдал оргилдоо хүрвэл эсрэг тийшээгээ хөгжих