зангуу

Монголоор

Үгийн дуудлага

[ʣaŋǧu:]

Үндэсний бичиг

ᠵ‍ᠠ‍‍ᠠ‍ᢉᡍᠣ᠊ᠣ
ᠵ‍ᠠ‍‍ᠠ‍ᢉᡍᠣ

(жанггуу)

Галиглах зарчим

Үгийн утга

I нэр.

1. урга. Хонхор хотос, уулын хярын жалга, цав, гүвээ хоолой, газраар наалдан зэллэж ургадаг, шар цэцэгтэй жижиг хавтгай навчинцар, үр жимсэндээ хатуу том өргөстэй ургамал
2. Хүний салж өгдөг­гүй, яршигтай зан байдал.

II нэр.

1. Хөлөг онгоц, галт тэрэг зэргийг зогсоох, аргамжихаар бэлтгэсэн гинжин оосортой том төмөр соёо, дэгээ, гох бүхий хэрэгсэл

III нэр.

1. ан. Баавгай, мангис зэрэг том амьтдыг агнахад хэрэглэдэг нэгэн зүйл зэвсэг
2. Хавханд орсон амьтныг хол явахаас сэргийлж торгох, мөр гаргах гурван үзүүрт хүнд төмөр чирүүл
3. Дайсны цэргийн морины хөлийг хатгуулахаар бэлтгэсэн өргөст төмөр.

IV.

Нийлмэл үг

нохой зангуу - гол горхи, нуур усны эхээр ургадаг нэг зүйл зангуу

зангуу төмөр - гох төмөр

зангуу хаях - усан онгоц гөх төмрөө буулгах

баавгай зангуу - баавгай агнах нэг зүйл хэрэгсэл

зангуу зүүх - төмөр сөрөг зүүх

зангуу товч нэр. - хувцасны бие биедээ наалддаг нэгэн зүйл товч

Зөв бичихзүй

Үг хувилгах зарчим

Кирил бичгийн зөв бичихзүй

зан|гуу нэр. *~ны үлгэр (бүтэшгүй юм) II.(он­гоцны аргамж) ус руу ~ хаях, зан­гууны, зангуунд, зангуунаас, зангуу­гаар

Хоршоо үг

• өргөс зангуу - а.зарим ургамалд байдаг зүү шиг шовх үзүүртэй бяцхан хэсэг; б.шилж. сэтгэлд сэв суулгах муу үг

Хэлц үг

Өвөрмөц хэлц

зангууны үлгэр - огт бүтэхгүй юм

зангуу тариад эсгий хийх - хоосон мөрөөдөх~Чиний наад санаа чинь бүтэшгүй зүйл санагдаж байна. Зангуу тариад эсгий хийхтэй адилхан юм биш үү.

зангууны үлгэр - огт бүтэхгүй юм~Бас ажил эрж дугаар хүлээсэн хүмүүс газар сайгүй дайралдахад “Над шиг юу ч мэдэхгүй харь газрын хүн энд ажил олно гэдэг зангууны үлгэр гэгч шив дээ” гэж Сайнбилэг бодов (Ж.Пүрэв, Хөгжмийн эгшиг).

Хэвшмэл хэлц

Залхуу хүний замд

Зангуу өргөс тасрахгүй

Зам дээр ургасан өвс

Зангуу болохыг хүсэж

Зам тоссон лам

Бурхан болохыг бодох

Зангуу сүрэл босвол

Заавал ширүүн хуртай

Зангуу тариад

Эсгий хийх

Зангуу үзвэл өшиглөж гар

Занал учирвал зайлж яв

Зангуу хэдий бяцхан боловч хөлийг хатгах шортой

Зальхай хэдий цөөхөн боловч гүрэнг тойдох мэхтэй

Аман зохиолд орсон нь

Зүйр үг

Зангуу хэдий бяцхан боловч хөл хатгах шортой

Залихай хэдий цөөн боловч гүрнийг сүйтгэх мэхтэй

Тайлбар: муу этгээдийг цөөн гэж басч болохгүй

Зангууны ноос түүж эсгий хийх

Тайлбар: харганын ноос түүж эсгий хийх, бүтэхгүй хэцүү зүйл