жагсаал

Монголоор

Үгийн дуудлага

[ʤaxsa:l]

Үндэсний бичиг

ᠵ᠊ᠢ᠊‍ᠠ‍‍ᠠ‍‍ᠰ‍‍ᠠ‍ᡍ‍ᠠ‍ᠯ

(жигсагал)

Галиглах зарчим

Үгийн утга

нэр.

1. Хүмүүсийн цуглан жагсаж жигдэрсэн эгнээ
2. цэрэг. Цэргийн цуваа, дайралт хийх байршуулалт

Нийлмэл үг

жагсаал болох - үзэл бодлоо илэрхийлж жигдрэн эгнэсэн олон нийтийн цуваа

жагсаал хийх - үзэл бодлоо илэрхийлж эвлэлдэн нэгдсэн хүмүүс олноор цуглаж эмх цэгцтэйгээр эгнэн явах

жагсаалаар явах - эгнээгээр явах

жагсаалаас гарах - а.эгнээнээс гарах; б.шилж. эвдэрч элэгдэж хэрэгцээгүй болох

жагсаалд орох - эгнээнд нэгдэх

жагсаалын жигүүр - эгнээний нэг тал, зах

жагсаалын журам - эгнэн явах заавар журам

жагсаалын морь - жагсаалд хэрэглэх морь

жагсаалын хөгжим - жагсан явахад эгшиглүүлэх тусгай аялгуу

баярын жагсаал - үндэсний болон олон улсын баярыг тэмдэглэх нийтийн жагсаал

гашуудлын жагсаал - талийгаачийг эцсийн замд нь үдэх ёслолын цуваа

дан жагсаал - нэг эгнээгээр цуварсан нь

ёслолын жагсаал - цэргийн ангийн бие бүрэлдэхүүн, тамирчид ёслолын байдлаар жигдрэн явах эгнээ

зэрэгцээ жагсаал - чацуу хоёр эгнээ цуваа

жигд жагсаал - нэгэн хэмийн цуваа эгнээ

сүрт жагсаал - нийгэм улс төрийн бодлого шаардлагыг илэрхийлэн олноор жигдрэн явах эгнээ

эсэргүүцлийн жагсаал - санал нэгдэхгүй байгаагаа илэрхийлсэн улс төрийн цуглаан

жагсаалын алба - жагсаал зохион байгуулах алба

жагсаалын алхаа - жагсаалд хөл нийлүүлэн явах байдал

жагсаалын бэлтгэл - жагсаалд шаардлагатай зүйлийг бүрдүүлэх ажил

жагсаалын дарга - ротын зохион байгуулалттай цэргийн ангийн бага тушаалын дарга нарын ахлагч

жагсаалын дүрэм - жагсаалд мөрдөх дэг ёс, баримтлах журам

жагсаалын сургуулилалт - зохион байгуулалттай цуваа эгнээг бэлтгэх нь

жагсаалын талбай - жагсаал бэлтгэх, сургуулилах, жагсан өнгөрөх талбай

жагсаалын хэнгэрэг хөгжим. - шидэмт хэнгэрэг

морьт жагсаал - морин цэргийн цуваа

түргэн жагсаал - цэргүүдэд түгшүүрийн дохио өгөх, цэргүүдийг түргэн шалмаг хөдөлгөөнд сургах жагсаал

цомхон жагсаал - хэсэг хэсгээр дөрвөлжилсөн хэлбэрийн жагсаал

цэргийн жагсаал - а.цэрэг ангийн цуваа; б.парад

шугаман жагсаал - тэгш шулуун жагсаал

Зөв бичихзүй

Үг хувилгах зарчим

Кирил бичгийн зөв бичихзүй

жаг|саал нэр. цэргийн ~, жагсаалын, жагсаалд, жагсаалаар

Хоршоо үг

• жагсаал цуглаан - олон нийтээрээ тайван цуглаж, үзэл бодлоо илэрхийлэх явдал

Товчилсон үг

ЖА Жагсаал Анги

Хэлц үг

Өвөрмөц хэлц

жагсаалаас гарах - эд юм хуучирч муудах, эвдэрч гэмтэх зэргээр ашиглах боломжгүй болох, ажлаас гарах