дав

Монголоор

Үгийн дуудлага

[]

Үндэсний бичиг

ᠲ᠋‍ᠠ‍ᠪ

Галиглах зарчим

Үгийн утга

I.

1. дав даваар (зэрэг зэргээр), дав даваар ирцгээх (зэрэг шахуу ойрхон ирцгээх).

II.

1. дав даруй (нэн түргэн, дороо, даруй, одоохон), дав дээр (тэр даруйдаа), дав зууртаа (одоохондоо), дав даруй ирэх (яаралтай түргэн ирэх), дав даруй хийх (үтэр түргэн хийх), дав даруй явуулах (одоохон явуулах, шууд явуулах), давын өмнө (юуны урд, бүхний түрүүнд, эн тэргүүнд).

III дай.

1. Хүн, амьтны гэнэт цочисхийх, чацавхийх
2. Хөнгөн гавшгай хөдлөх
3. Сэтгэл тавгүй дахин дахин цочин хөдлөх
4. Түргэн дөхмийг бодох.

IV нэр.

1. Давуур, даваа.

V сул.

1. Да язгуурт үгэнд хүч нэмэгдүүлэх сул үг

Утга зохиолын жишээ

Дав дээр даага хурдан. Ж.Дашдорж. Монгол цэцэн үгийн далай.,

Дав даруй гэмтлийг нь илрүүлж түргэн залга. Ч.Лхамсүрэн. Хурандаа.

Дав хийн харайн гарав. “Цог” сэтгүүл.,

Авьяастан нарын дав дув мэдэн танилцахад зориулан маш товчхон бөгөөд тайлбартай зүйлийг анхны авлага болгон тэмдэглэсүгэй хэмээнэ. С.Буяннэмэх. Түүвэр зохиол.,

Хүн чанга дуугарахаар дав дув хийн цочин сэрээд байх боллоо. Н.Банзрагч. Зам;

Нутгийн захаар ороод дав дув гэж явсаар шил хар байшинд ойртоод ирэв. Жангар;

Давыг бодож би хийчихье. “Цог” сэтгүүл.

Зүв зүгээр дав далгар төрсөн нэгэн биеийг өнгөрүүлж... В.Инжаннаши. Хөх судар

Нийлмэл үг

дав хийн цочих - огцом агдгасхийн цочих

дав хийн эргэж харах - гэнэт маш цочин эргэж харах

дав ч үгүй - ажиг ч үгүй

дав дув гэх - байн байн түгшин цочих

дав дув хийх - тав тухгүй, үймрэн байх

дав далгар - нэн далгар, маш далгар

Зөв бичихзүй

Үг хувилгах зарчим

Кирил бичгийн зөв бичихзүй

дав бай.. ~ын өмнө (нэн тэргүүнд) II.(огцом) ~ хийн цочих

Хоршоо үг

• дав дув - а.цочисхийх, тухгүй байх; б.даруй, түргэн, шуурхай

Хэлц үг

Хэвшмэл хэлц

Гүйлгэхэд гүү хурдан

Дав дээр даага хурдан

Дав дээр дахгүй

Дахан дээр хуяггүй

Дарсан юм

Дав дээр бэлэн

Аман зохиолд орсон нь

Өнчин гурван давыг ташир орхиж гэнэ. ААЗ.,

Далан дээрээс нь авч дав дээр нь далан долоо эргүүлж, далан уул давуулж хаяв. Халх ардын тууль.