гүү

Монголоор

Үгийн дуудлага

[gь:]

Үндэсний бичиг

ᠭᠡᠬᠥᠣ

(гэгүү)

Галиглах зарчим

Үгийн утга

амьт.

1. Адуу, хулан, тахь, илжигний гурваас дээш настай эмэгчин

Нийлмэл үг

боос гүү - хээл авсан гүү

сувай гүү - хээл аваагүй гүү

хусран гүү - даагаа хөхүүлдэг гүү

эрмэг гүү - Гүү соёогүй учир 36 шүдтэй, хэрвээ соёо шүд ургасан байвал эрмэг гүү гэнэ

гүү барих - зуны эхэн сард айраг хийхээр унага уяж, гүүгээ саах

гүү саах - а.гүүг ивэлгэн сааж сүүг авах; б.тогл. чулуу, шагай зэргийн юм сөөлжүүлэн дээш шидэж алдалгүй барьж авах наадам

гүү тавих - хүйт орох үеэр гүү саахаа больж, унагыг нь сул тавих

гүү унагалах - унага төрүүлэх

гүүний айраг - гүүний саамаар исгэсэн ундаа

гүүний зэл - унага уях зэл

гүүний саам - гүүнээс саяхан саасан сүү

гүүний цацал - гүү барьсан өдөр сүүнээс цацаж өргөх ёслол

гүүний сацлын судар - гүүний сацал хийх үест унших судар

гүүний үрс гаргах - зун цагт гүү эхэлж барих үеэр зэлнээс зайдуухан овоо босгож, арц хүж уугиулан, цагаан эсгий дэвсэж, үрсийн ерөөл айлддаг зан үйл

гүүн хөх урга. - нохойн хуухтай адил зэллэн ургана, жижигхэн гуагийн адил болоод хоёр үзүүрт шуумгай үүтэй ногоо

Зөв бичихзүй

Үг хувилгах зарчим

Кирил бичгийн зөв бичихзүй

гүү нэр. гүүний, гүүг, гүүнд, гүүгээр, гүүнээс, о.тоо гүүнүүд

Хэлц үг

Хэвшмэл хэлц

Гүү догшин боловч унагаа өшиглөдөггүй

Хун догшин боловч өндгөө хэмхэлдэггүй

Эм хүнтэй хэлэлцдэггүй

Гүү унагатай уралддаггүй

Аман зохиолд орсон нь

Цэцэн үг

Гүүтэй хүнээс хүүтэй хүн

Тайлбар: мал хөрөнгө хэдий их хурааж цуглуулавч, үе удам залгах үр хүүхэдгүй бол тусгүй