бадар

Монголоор

Үгийн дуудлага

[]

Үндэсний бичиг

ᠪᠠᠳᠠᠷ
ᠪᠠᠳᠠᠷ᠎ᠠ
ᠪᠠᠳᠢᠷ
ᠪᠠᠳᠤᠷ
ᠪᠠᠳᠷ᠎ᠠ

Галиглах зарчим

Үгийн утга

I урга.

1. Том шар навчтай, өндөр ургадаг мөнх ногоон тураг мод, арван нэгдүгээр сараас долоон сар хүртэл тасралтгүй үр жимс өгдөг бөгөөд далаас далан таван жил наслаад хатдаг;
2. Мөн модны навч, навчаар нь хийсэн зүйл
3. Мөн модны үр жимс; энэ нь дугуй, зууван хэлбэртэй, шаргал хүрэн өнгөтэй хальсыг нь дээрээс харвал найман талт гүдгэр хэсгүүдтэй зөгийн сархинаг шиг, боловсорч гүйцээгүй жимсний зөөлөн эд нь шаргал цагаан өнгөтэй хатуу, боловсорсон үедээ зуурсан гурил шиг байдаг.

II.

1. бадар шар урга. (үндсийг нь шороонд суулгалгүйгээр хүүш газарт өлгөн, ус цайгаар ширвэн шимтүүлбээс өөрөө иш навч ургаж цэцэглэнэ; салхины чагирим цэцэг).

III.

1. бадар цэцэг урга. (модны ишийг түшин ургадаг, салхины чагирим цэцэгтэй адил, уул хаданд ургах өнгө шаргалдуу цагаан нэгэн зүйл цэцэг).

IV.

1. бадар хээ (бадар цэцэгтэй төстэй нэгэн зүйл хээ угалз).

V нэр.

1. хуучир. Тойдын дусал гуйх нэгэн зүйл аяга
2. шилж. Бусдаас эд юм хүсэх гуйлга

VI.

1. бадар галав (одоо үе, өнөө үе, сайн галав).

VII.

1. бадар бүдэр/бүдэр бадар хорш. (хүн, амьтны торж бүдрэн, энд тэнд гишгэлэн явах байдал).

Нийлмэл үг

бадар дэвүүр - бадрын навчаар хийсэн дэвүүр

бадар судар - бадрын навчин дээр бичсэн судар

бадар аяга - амсар хомбогор, суурь дээшээ сарвагар хэлбэртэй, хаан өндөг мэт дугаригдуу зууван, бат бөх эдэлгээтэй, шавар төмрийн аль нэгээр хийсэн, хэрээний нүд мэт хар өнгөтэй

алтан бадар - бадар аяганы хүндэтгэл

бадар барих - гуйлга гуйх, юм гуйх

Зөв бичихзүй

Үг хувилгах зарчим

Кирил бичгийн зөв бичихзүй

ба|дар I.нэр. *~ барьсан бадарчин шиг зүйр II.урга. ~ дэвүүр, бадрын, бадарт, бадраар

Хоршоо үг

• бүдэр/бүдэр бадар - хүн, амьтны торж бүдрэн, энд тэнд гишгэлэн явах байдал

Аман зохиолд орсон нь

Зүйр үг

Бадар барьсан ч шиг

Тайлбар: өдөржин энд тэндээс гуйж түүж юманд ховдогших