аян

Монголоор

Үгийн дуудлага

[ajan]

Үндэсний бичиг

ᠡ‍ᠠ‍ᠶᠡ᠊ᠨ

(айан)

Галиглах зарчим

Үгийн утга

I тэм.

1. Ямар нэг хэрэг зорилгын учир уналга, хөсөг хэрэглэн алсыг зорьж явах нь
2. хуучир. Явуулын дайн
3. шилж. Тодорхой зорилго тавьж уриалсан, хугацаа бүхий их ажил

II.

1. аян шалтаг хорш. (ямар нэг зүйлээр шалтаг хийж, өөр үйл хэргээс зайлсхийх завшаан олох, далим болгох).

Нийлмэл үг

аянд явах - алс явах, замд гарах

аянд ядрах - хол замд ядрах

аяны зардал - замын зардал, аяллын зардал

аяны тэмдэглэл - аялан явсан замын тэмдэглэл

урт аян - а.холын аян; б.шилж. унтах; в.цээр. үхэх

уртын аянд мордох - а.холын аянд мордох; б.шилж. бөх унтах; в.цээр. мөнх нойрсох

аян дайн - аль нэг этгээдийн эсрэг удаан үргэлжилсэн байлдаан

соёлын аян - соёлын ажил

сарын аян - сарын ажил)

Зөв бичихзүй

Үг хувилгах зарчим

Кирил бичгийн зөв бичихзүй

аян I.нэр. ~ зам хорш. (холын аян) II.(далим) ~ шалтаг хорш.

Хоршоо үг

• аян жин - олон хоногоор хол явах жин тээвэр
• аян шалтаг - ямар нэг зүйлээр шалтаг хийж, өөр үйл хэргээс зайлсхийх завшаан олох, далим болгох

Хэлц үг

Өвөрмөц хэлц

аяны жолоо залах - чиглэх, явах~Одоогоос яг тавин нэгэн жил найман сарын өмнө Увс аймаг зүг аяны жолоо залснаа хуудас нь шарласан тэмдэглэлийн хуучин дэвтрээс... (Д.Цэвэгмид, Тэнгэрийн замаар).

аяны хүн таяг чирэх, адууны хүн уурга чирэх - хэрэг явдал тус тусын өвөрмөц онцлогтой байдаг гэсэн санаа~Би чамайг дагаж хөлд чинь үрэгдээд юу хийхэв. Аяны хүн таягаа, адууны хүн уургаа чирэх нь өлзийтэй байлгүй дээ.

↑ уртын аянд мордох

Хэвшмэл хэлц

Аян нь урт

Ашиг нь хомс

Аян урт

Авц бага

Аман зохиолд орсон нь

Зүйр үг

Аян нь урт

Ашиг нь хомс

Тайлбар: үйл явдлын яршиг ихтэй, ашиг багатай байдал

Аяны хүн таяг чирэх

Адууны хүн уурга чирэх

Тайлбар: хэрэг явдал тус тусын өвөрмөц онцлогтой байдаг

Цэцэн үг

Айлын нохой хуцлаа гээд аян жин зогсдоггүй

Тайлбар: ёстой юм ёсоороо болдог