архидан согтуурахтай тэмцэх

Монголоор

Хадмал үг

[англ. policing alcohol]

Тайлбар

Архидан согтуурахтай тэмцэх - архи согтууруулах ундааны үйлдвэрлэл, хуваарилалт, борлуулалтын хууль тогтоомж зөрчих, согтууруулах ундаа хэтрүүлэн хэрэглэгчид, хувиараа үйлдвэрлэх, тэдгээрийн улмаас гарах гэмт хэрэг, зөрчлийн (олон нийтийн газар архидан согтуурах, согтуугаар тээврийн хэрэгсэл жолоодох) тоог бууруулах, шалтгаан нөхцөлийг арилгахад чиглэсэн илрүүлэх, таслан згсоох, урьдчилан сэргийлэх арга хэмжээ.

АНУ-д архи, согтууруулах ундааны худалдаа, борлуулалтыг 1920-1923 оны хооронд Волстедийн хуулиар зохицуулж байсан. Энэ хуулийн хүчинтэй хугацаа дуусмагц “хэрэглээгээ хянах” загварыг хэрэгжүүлж эхэлсэн байна. Өнөөдөр архи согтууруулах ундааны үйлдвэрлэл, хуваарилалт, борлуулах цаг, өдөр, нэг удаа зарах хэмжээ, хэрэглэгчийн нас зэрэг олон асуудлыг муж бүр өөрийн хууль эрхийн актаар зохицуулж байна. 2004 онд “архины хуулийг зөрчсөн” 360825 тохиолдолд баривчлан шийтгэж байжээ. Харин бусад зөрчил, гэмт хэргийн улмаас баривчилсан тохиолдол 374499 байсан байна. Архины хуулийг зөрчсөн зөрчлийн тоо 1995 оноос хойш 10%-иар өссөн нь насанд хүрээгүй хүүхдүүдийн архидан согтуурахтай тэмцэх ажлыг таслан зогсоох талаар дорвитой анхаарах шаардлага тулгасныг харуулсан юм.

Creative Commons