ЭРХ ЗҮЙН ТАЙЛБАР

Монголоор

Хадмал үг

[англ. legal interpretation]

[ор. правовое толкование]

Тайлбар

хууль.

эрх зүйн хэм хэмжээнд илэрхийлэгдсэн хууль тогтоогчийн хуульчилсан заавал биелүүлэх ёстой хүсэл зоригийн утга санаа ба агуулгыг тодорхой болгоход чиглэгдсэн төрийн байгууллага, янз бүрийн байгууллага, тодорхой иргэдийн үйл ажиллагаа. Э.з.т. нь амьдралын тодорхой тохиолдолд эрх зүйн хэм хэмжээнд агуулагдсан заалтыг зөв хэрэглэх зорилгыг агуулна. Энэ нь хууль зүйн зүйлчлэл шаардагдаж буй тодорхой үйл баримтад эрх зүйг хэрэглэх үе шат юм. Э.з..т.-ын төрлийг тодорхой үндэслэлээр ангилж болно. Хууль зүйн хүчин чадлын хувьд Э.з.т.-ыг албан ёсны ба албан ёсны бус гэж хуваана. Албан ёсны тайлбарын төрөл нь хэм хэмжээний ба кейсийн тайлбар, албан ёсны бус тайлбар нь онолын ба өдөр тутмын тайлбар юм. Э.з.т.-ыг хэмжээ, цар хүрээгээр нь үгчилсэн, хураангуй ба дэлгэрэнгүй гэж ангилна. Тайлбарлах аргаас хамааран хэл зүйн, логик, системчилсэн, түүхэн тайлбар хэмээн ялгана.

Creative Commons