ГЭМТ ХЭРГИЙН ГАЗАРТ НЭГЖЛЭГ ХИЙХ БОЛОН НОТЛОХ БАРИМТ ЦУГЛУУЛАХ

Монголоор

Хадмал үг

[англ. crime scene search and evidence collection]

Тайлбар

Мөрдөн байцаалтын ажиллагааны хамгийн чухал хэсэг бол хэргийн газарт нэгжлэг хийх болон нотлох баримт цуглуулах үйл явц юм. Хэрвээ хэргийн газарт нэгжлэг хийж, нотлох баримт цуглуулах цар хүрээг зөв тодорхойлж өгөхгүй бол энэ нь эргээд тухайн мөрдөж буй хэргийг яллаж, шийдвэрлүүлэхэд төвөг удна.

Хэргийн газраас төрөл бүрийн нотлох баримт олддог. Иймээс хэргийн газарт маш нарийн шинжилгээ хийж, нүдэнд харагдахуйц болон харагдахгүй далд эд зүйлийг хайж олох хэрэгтэй. Хэргийн газарт нэгжлэг хийх үйл явц нь гэмт хэргийн төрөл, газар зүйн байршил, хүний нөөц болон үзлэг хийхэд бэлэн байгаа тоног төхөөрөмжөөс шалтгаалан янз бүрийн төрөлд багтдаг. Тухайлбал, байгууллагын хэмжээ үүнд маш том нөлөө үзүүлдэг. Учир нь байгууллагын хэмжээнээс шалтгаалан түүнд ажиллах боловсон хүчний хэмжээ өөр байдаг бөгөөд энэ нь чухам хэн гэмт хэргийн газарт үзлэг хийж, нотлох баримт цуглуулах ажлыг гүйцэтгэхийг тодорхойлж өгдөг байна. Жижиг байгууллагуудад (орон нутгийн цагдаагийн байгууллагуудын 90%-г бүрдүүлдэг) гэмт хэргийн газарт үзлэг хийж, нотлох баримт цуглуулах үүргийг зөвхөн нэг алба хаагч дангаараа хүлээх үзэгдэл түгээмэл байдаг. Харин дунд болон том хэмжээний байгууллагуудад ажил үүргийг алба хаагчид тусгайлан гүйцэтгэдэг тул гэмт хэргийн газарт нэгжлэг хийж, нотлох баримт цуглуулах үйл ажиллагааг нэг болон түүнээс дээш ажилчид гүйцэтгэнэ.

Creative Commons