өрөм

Монголоор

Үгийн дуудлага

[цrцm]

Үндэсний бичиг

ᠡᠣ᠊᠊ᠢ᠊᠊ᠷᠣ᠊᠊ᠮ᠎ᠠ
ᠡᠣ᠊᠊ᠢ᠊᠊ᠷᠣ᠊᠊ᠮ

(өрүм-э) сүүний ~ (өрүм) цахил­гаан ~

Галиглах зарчим

Үгийн утга

I нэр.

1. Хөөрүүлсэн сүүний дээгүүр тогтсон цөцгийрхөг идээ
2. Шингэн зүйл хөрж царцахад дээгүүр нь тогтох нимгэн хөрс

II нэр.

1. Эргүүлэн цоолж нүхлэх багаж

Нийлмэл үг

тогооны өрөм - а.тогоотой сүүний дээгүүр тогтсон тослог хөрс; б.загссан өрмийг хавсран авсан байдал

өрөм байлгах/өрөм загсаах - хөөрүүлсэн сүүгээ хөр­гөж дээгүүр нь зузаан тослог хөрс тогтоох

өрөм загсах - хөөрүүлж самар­сан сүү хөрөхөд дээгүүр нь тослог хөрс тогтох

өрмөө хайлах - зун, намар хураасан тогооны өрмөө хайлж, тос гаргаж авах

өрөм давс - өрөм адил давхарлан тогтсон давс

өрмөн шаргал - өрөм шиг шаргал өнгө

өрөм хулгайч амьт. - усны лаг доторх авгайлдайнаас гарч, усны орчинд нис­дэг нэг зүйл шавж

айргийн өрөм - айрагны дээд талыг бүрхсэн нимгэн хөрс

цайны өрөм - аяга, саванд хийсэн цай хөрөхөд дээгүүр нь тогтох нимгэн хөрс

эргүүл өрөм - аливаа механизмийг эргүүлэн цоолох төхөөрөмж

ээрүүл өрөм - юманд нүх гаргах багаж

цахил­гаан өрөм - цахилгаанаар ажилладаг өрөм

өрмийн мастер - цоолон нүхлэх багажийг ажиллуулдаг мэргэжлийн хүн

өрмийн үзүүр - цоолж нүхлэх багажийн ирт үзүүр

өрмөөр нүхлэх - тусгай багажаар цоолох

Зөв бичихзүй

Үг хувилгах зарчим

Кирил бичгийн зөв бичихзүй

ө|рөм нэр. тогооны ~ II.(цоологч багаж) цохилтот ~, өрмийн хошуу, өрөмд, өрмөөр, о.тоо өрмүүд

Хоршоо үг

• өрөм зөөхий - хөөрүүлсэн сүүг самраад болон самралгүй хөргөхөд тогтох тослог идээ
• өрөм бяслаг - хөөрүүлсэн сүүний дээр тогтох цөцгийрхөг тос болон сүүг ээдүүлэн шахаж хийсэн цагаан идээ

Хэлц үг

Өвөрмөц хэлц

өрөмний өт шиг - тогтворгүй, их хөдөлгөөнтэй байх

өрөмний өт шиг - тогтворгүй, их хөдөлгөөнтэй байх~Галдангийн хүүхдүүд гэж өрөмний өт шиг, сахилгагүй хэдэн монди бий.

↑ усан дээр өрөм тогтоох- бүтэхгүй зүйлийг санах

Хэвшмэл хэлц

Өрөм сүү идье гэвэл

Өеөдсөн малаа тэнхрүүл

Өрөм тос малаас

Өнгө зүс сэтгэлээс