өмнө

Монголоор

Үгийн гарал

Үгийн дуудлага

[цmцnц̆]

Үндэсний бичиг

ᠡ᠊ᠮᠣ᠊᠊ᠨ᠎ᠠ

(эмүн-э)

Галиглах зарчим

Үгийн утга

тэм.

Хойд гэдгийн эсрэг утга, урд зүг
Өвөр, нүүр тал
Цаг хугацаа болон дарааллын хувьд эхэн түрүүнд, урд
шилж. Тулгам, ойр
шилж. Хэн нэгнийг төлөөлсөн нь

Ойролцоо үг

Нийлмэл үг

өмнө зүг - урд зүг

өмнө этгээд - урд тал

баруун өмнө зүг - баруун болон урд зүг хоёрын хоорондох завсрын зүг

зүүн өмнө зүг - зүүн болон урд зүг хоёрын хоорондох завсрын зүг

өмнө газар - урд зүгт орших улс орон

өмнө бие - өвөр бие

өмнө тал - урд, нүүрэн тал

гэрийн өмнө - гэрийн өвөр тал

жагсаалын өмнө - жагсаалын нүүр талд

олны өмнө үг хэлэх - олон хүний урдаас харж үг хэлэх

өмнөөс ирэх - өөдөөс нь ирэх, угтан явах

өмнөөс угтах - тосон очих

мөчийн өмнө - тухайн цаг болохоос урдхан

гурав хоногийн өмнө - тухайн үйл хэрэг болохоос гурван хоногийн урд

явахын өмнө - явахаас урд

өмнөөс бодох - эртнээс бодох

өмнөөс бэлтгэх - урьдчилан бэлтгэх

юуны өмнө - юм юмнаас урьд, хамгийн эхэнд

аавынхаа өмнөөс - аавынхаа оронд

нэрийн өмнөөс - хэн нэгнийг төлөөлж байгаа нь

хүний өмнөөс - хүний төлөөнөөс

Зөв бичихзүй

Үг хувилгах зарчим

Кирил бичгийн зөв бичихзүй

өм|нө орон. ~ газрын (өвөр тал) байшингийн ~, өмнийн, өмнөөс

Үндэсний бичгийн зөв бичихзүй

Орчуулга

Хоршоо үг

өмнө хойно - юмны ард болон урд
урьд өмнө - үйл явдал дэс дарааллын хувьд түрүүн

Эсрэг үг

#хойд

Товчилсон үг

Хэлц үг

Өвөрмөц хэлц

нүдний өмнө - а.нүдэн дээр; б.нууж хаах зүйлгүй ил байдал

өмнөө барих - урдаа барьж, нүүр тахлах

өмнө хойно гүйх - зусардах, бялдуулан долигонох

өмнө хормойгоо чирэх - насжих~Өмнө хормойгоо чирсэн хөгшинд эвлэлийн ёсыг ярих хэрэггүй гэж уурлахын ихээр уурлаж, хаалгаа няс хийтэл таягдаад дотор гэртээ орж очив (Мөнхбаатар, Хөгшин бэр).

өмнөө барих - урдаа барьж, нүүр тахлах, бамбай болгох, түрээ барих~Үйлдвэрийнхээ өмнөө барьдаг цорын ганц чухал хүн болгон хөөргөж... (Л.Дашням. Нялх ногоо).

↑ нурууны өмнө

↑ нүдний өмнө

Хэвшмэл хэлц

Өмнө гарсан чихнээс

Хойно ургасан эвэр урт

Өмнө зам хар

Хойд зам цагаан

Өмнө нь илд

Ард нь жад

Өмнө ургасан хөмсөгнөөс

Хойно ургасан сахал урт

Өмнө ургасан чихнээс

Хойно ургасан эвэр

Өмнө хэлсэн үг

Хойдохдоо гэрч

Аман зохиолд орсон нь

Зүйр үг

Борооны өмнө шороо

Боохойн өмнө хэрээ

Тайлбар: бороо орохын урд шороо босдог бол боохойн буй газар хэрээ байдаг