нулимс

Монголоор

Үгийн дуудлага

[nu̇lamsă]

Үндэсний бичиг

ᠨᠢ᠊ᠯᠪᠤ‍ᠰ‍ᠣ

(нилбусу)

Галиглах зарчим

Үгийн утга

нэр.

1. Нүдний булчирхайнаас гарах тунгалаг шингэн

Нийлмэл үг

нулимсны булчирхай - тунгалаг шингэн ялгаруулагч булчирхай

нулимсны сувганцар - нулимсны цэгүүдийг нулимсны ууттай холбосон нарийхан хоолой

нулимсны уут - хамар, нулимсны сувгийн дээд талын өргөссөн хэсэг

нулимсны хөх­лөг - нүдний дотор өнцөг дэх махлаг ургацаг

нулимсны цэг - нулимсны хөх­лөг дээр байх жижиг сүв

нулимс асгарах - нүднээс тунгалаг шингэн ихээр гарах

нулимс алдах - уйлах

нулим­саа барах - их уйлах

нулимсаа барих - уйлахыг тэвчих

нулимсаар будах - нүднээсээ тунгалаг шингэнийг их хэм­жээгээр асгаруулах, гаргах

нулимс бүрхэх - нүдний аяга ус мэт шингэнээр дүүрэх

нулимс гүйлгэнэх - нүдний аяганд тунгалаг шингэн бий болох

нулимс дусах - нүднээс тунгалаг шингэн дусал дуслаар гоожих

нулимс дүүрэх - нүдний аяга тунгалаг шингэнээр дүүрэх

нулимс мэлмэрүүлэх - нулимс урс­ган чимээгүй уйлах

нулимсаа нуух - уйлж байгаагаа хүнд мэдэгдэхгүй гэж нуух

нулимс унагах - нүднээс шингэн зүйл асгаруулах

нулимс хатах - нүдэнд хурсан тунгалаг шингэн ууршиж үгүй болох

нулимс хурах - шингэн тунга­лаг зүйл нүдийг бүрхэх

нулимс эгших - нүдэнд хурсан тунгалаг шингэн алга болох

баярын нулимс - баярлах, сэт­гэл хөөрөх үед нүднээс гарах тунга­лаг шингэн

гомдлын нулимс - ямар нэг зүйлд гомдоход нүднээс гарах тунгалаг шингэн

зовлонгийн нулимс - зовсны улмаас нүднээс гарах тунгалаг шингэн

хагацлын нулимс - салж хагацах үедээ уйлах нь

усан нулимс - нүд­нээс тунгалаг шингэн ус шиг ихээр асгарах нь

хар нулимс - гуниг, уйтга­рын нулимс

өвөр дүүрэн нулимс - асгартал уйлж дээлийнхээ өврийг нор­гох

доголон нулимс - ганц нэг дусал нулимс

Зөв бичихзүй

Үг хувилгах зарчим

Кирил бичгийн зөв бичихзүй

ну|лимс нэр. доголон ~, нулимсны, нулимсанд, нулимснаас

Үндэсний бичгийн зөв бичихзүй

ᠨᠢ᠊ᠯᠪᠤ‍ᠰ‍ᠣ᠊᠊ᠨ ᠊ᠣ
ᠨᠢ᠊ᠯᠪᠤ‍ᠰ‍ᠣ᠊᠊ᠨ ᠊ᠣ
ᠨᠢ᠊ᠯᠪᠤ‍ᠰ‍ᠣ ᠊ᠢ᠊᠊ᠢ
ᠨᠢ᠊ᠯᠪᠤ‍ᠰ‍ᠣ᠊᠊ᠨ ᠡᠴ᠊‍᠊ᠨ
ᠨᠢ᠊ᠯᠪᠤ‍ᠰ‍ᠣ ᠪᠡ᠊ᠷ
ᠨᠢ᠊ᠯᠪᠤ‍ᠰ‍ᠣ ᠲ᠋‍ᠠ‍᠊ᠢ
ᠨᠢ᠊ᠯᠪᠤ‍ᠰ‍ᠣ ᠪᠡ᠊ᠨ

/~ы /~д /~ыг /~аас /~аар /~тай /~аа

Хоршоо үг

• нус нулимс - нүд болон хамраас гарах шингэн зүйл

Хэлц үг

Өвөрмөц хэлц

нүүрээ нулимсаар угаах - а.маш их уйлах; б.маш их зовох, зүдрэх

нулимс асгах - уйлах~Дулмаагийн нүднээс нулимс асгаж хэсэг дуугүй байснаа

нулимсаараа нүүрээ угаах - маш их зовох, зүдрэх~Хэрвээ хоёр өндгийг үүрэнд нь буцааж тавиагүй бол эм хун ийм эмгэнэлд унахгүй байсан ч юм бил үү гэж бодоод Ян Кө нулимсаараа нүүрээ угаана (Зян Рун, Чонон сүлд).

нулимсан шүлсээ долоох - хэлсэн үгнээсээ буцах, зорьсондоо хүрэхгүй байх~Би дахиж энэ хүн рүү эргэж буцахгүй ээ. Буцаад нийлбэл нулимсан шүлсээ долоолоо хэмээн хүн муулна байлгүй.

нулимсыг нь барах - хүний сэтгэлийг зовоож шаналгах~Зовсон амьтны нулимсыг нь барж юугаа хийх вэ, хариуг нь удаалгүй өгөх хэрэгтэй.

Хэвшмэл хэлц

Нугас замгаа идэхээс биш

Нулимс нь нулимсаа иддэггүй

Нулимс унагахаар

Нударга зангид

Аман зохиолд орсон нь

Зүйр үг

Нулимс унага­хаар

Нударга зангид

Тайлбар: зовлон тохиолдоход сэтгэлийн хат, тэвчээртэй байх хэрэгтэй