даавуу

Монголоор

Үгийн дуудлага

[da:wu:]

Үндэсний бичиг

ᠲ᠋‍ᠠ‍ᠪᠤᠣ

(дабуу)

Галиглах зарчим

Үгийн утга

нэр.

1. Нэхмэлийн суурь машин болон гар аргаар тууш хөндлөн сүлжиж бэлтгэдэг нэгэн зүйл нэхмэл бөс
2. Даавуугаар хийсэн эдлэл, хувцас

Утга зохиолын жишээ

Замын хэрэглэл гэж хоёр толгой даавуу, нэг бага хүүдий, цагаан будаа авав. С.Буяннэмэх. Түүвэр зохиол.,

Хурга ишигнээс өгсүүлээд ээрүүл утас, шандан даавуу бас ишиг хурганы арьс бэлгэнд өгч хоёр хөгшин овоо юмтай болжээ. С.Удвал. Их хувь заяа.,

Даавуу шуувууны төрлийн юм тун ч хомс. Б.Нямаа. Арандалынхан.,

Тэр хүн бор даавуу хувцастай, толгой нүцгэн бөгөөд хонгор шар үстэй ажээ. Ж.Дамдин. Миний Монгол.

Нийлмэл үг

ёрог даавуу - а.сулхан нэхээстэй даавуу; б.хуучирч өгөрсөн даавуу

гэрийн даавуу - гэрийн гадуур бүрэх бүрээс даавуу

дээлийн даавуу - дээл хийх даавуу

ноосон даавуу - ноосон утсаар нэхсэн даавуу

өрөөл даавуу - бүтний хугас даавуу, ам дөрвөлжний тал даавуу

толгой даавуу - нэг боодол даавуу

шандан даавуу - энгээр нь дөрвөлжилсөн даавуу

эрээн даавуу - өнгө өнгийн утсаар нэхсэн даавуу

ян даавуу - хөвөнгөөр нэхэж хийсэн маш нимгэн, зөөлөн бус бараа

даавууны өөдөс - даавууны жижиг тасам, тасархай

даавуу майхан - даавуугаар хийсэн майхан

даавуу бүс - дурдан, торго зэрэг гоё сайхан бөсөөр хийсэн бүс

даавуу бээлий - хөвөн зулаагүй дан даавуун бээлий

хөнжлийн даавуу- хөнжил хийх даавуу, хөнжлийн гадуурх углаа; танз

цамцны даавуу - цамц хийхээр тусгайлан бэлтгэсэн даавуу

орны даавуу - ор хөнжлийн хэрэглэл

Үүсмэл үг

даавуурхаг- Даавуу голлосон, даавуу ихтэй бөс

даавархуу- Даавуутай төстэй; бөсөрхүү

даавууч(ин)- 1. Даавуу нэхдэг хүн; даавууны нэхмэлчин 2. Даавууны наймаачин

Зөв бичихзүй

Үг хувилгах зарчим

Кирил бичгийн зөв бичихзүй

даа|вуу нэр. ~ бээлий, даавууны, даавуунд, даавуугаар, даавуунаас

Үндэсний бичгийн зөв бичихзүй

ᠲ᠋‍ᠠ‍ᠪᠤᠣ᠊᠊ᠨ ᠊ᠣ
ᠲ᠋‍ᠠ‍ᠪᠤᠣ᠊᠊ᠨ ᠳ᠋ᠣ
ᠲ᠋‍ᠠ‍ᠪᠤᠣ ᠊ᠢ᠊᠊ᠢ
ᠲ᠋‍ᠠ‍ᠪᠤᠣ᠊᠊ᠨ ᠡᠴ᠊‍᠊ᠨ
ᠲ᠋‍ᠠ‍ᠪᠤᠣ ᠪᠡ᠊ᠷ
ᠲ᠋‍ᠠ‍ᠪᠤᠣ ᠲ᠋‍ᠠ‍᠊ᠢ
ᠲ᠋‍ᠠ‍ᠪᠤᠣ ᠡᠣ᠊᠊ᠷᠣ᠊ᡍᠣ
ᠲ᠋‍ᠠ‍ᠪᠤᠣ ᠪᠡ᠊‍᠊ᠨ
ᠲ᠋‍ᠠ‍ᠪᠤᠣ ᠨᠣ᠊ᡍᠣ᠊ᠣ᠊᠊ᠨ

/~ы /~д /~г /~аас /~аар /~тай /~руу /~аа /~нууд

Хоршоо үг

даавуу шаавуу ~ даавуу шуувуу - бөс даавууны ерөнхий нэр

даалимба даавуу - эгэл жирийн бөс

Хэлц үг

Хэвшмэл хэлц

Даавуу сав дал хоногийн гүвүүртэй

Илгэн сав ес хоногийн гүвүүртэй

Даага унавал шийрийг нь хар

Даавуу авбал захыг нь хар

Аман зохиолд орсон нь

Өөрийн хийсэн өөртөө зөв, өрөөл даавуу өмдөндөө зөв.

Дангийн даавуу майхан, даваан дээр дэрвээд байна, хийсээд байна.