өв I нэр

өв I нэр Эцэг эх, өвөг дээдсийн үр хүүхэд болон ойр дотны хүмүүстээ үлдээсэн эд хөрөнгө: өв залгамжлах (эзэмших эрх бүхий хүн эд хөрөнгийг өмчлөн авах), өв идэх (эд хөрөнгийг нь залгамжлах), өв эзэрхэх (бусдын эд хөрөнгийг өөрийн болгох), өв өмч хорш. (үе улиран уламжлагдсан хөрөнгө), өв хөрөнгө хорш. (уламжлан ирсэн эд зүйл), өв хөрөнгөө булаалдах (эцэг эх, өвгөд дээдсийн үлдээсэн эд хөрөнгийг булаалдах), өв хувь хорш. (эцэг эх, өвөг дээдсийн эд хөрөнгөөс тухайн хүнд ногдох хэсэг); Түүх соёлд уламжлан үлдсэн соёл, зан үйлийн холбогдолтой зүйлс: соёлын өв (нийгмийн түүхэн хөгжлийн явцад бүтээгдэн хадгалагдсан утга зохиол, урлаг, түүх, шинжлэх ухаан зэрэг олон салбарын үнэт зүйлс); өв зохиол (а.зохиогч амьд ахуй цагтаа нийтлүүлж амжаагүй, хожмын хүмүүс нийтлүүлэн хэвлүүлсэн зохиол бүтээл; б.үр хүүхдэдээ өвлүүлэн үлдээсэн зохиол бүтээл), өв сан хорш. (үе дамжин уламжлан ирсэн зүйлсийн хуримтлал, хөрөнгө), өв соёл хорш. (үе улиран хадгалагдсан соёлын зүйл), өв уламжлал хорш. (а.тухайн улс орны аж амьдралын өвөрмөц онцлогийг тусган үе дамжсан нийгмийн үзэгдэл болон түүхэн хөгжлийн явцад уламжлагдсан оюун санааны ба эд өглөгийн зүйлс; б.эцэг, эх өвгөд дээдсийн үлдээсэн зүйл); өв тахилга хуучир. (уламжлалт тахилга), өв тоног хуучир. (дайснаа ялсны баталгаа болгож эд зүйлээс нь хэсэгчлэн авсан нь).