онц харгис хэрцгий байдал

Монголоор

Хадмал үг

[англ. especially cruelty]

[ор. особая жестокость]

Тайлбар

хууль.

ял хүндрүүлэх нөхцөл байдал буюу зарим төрлийн гэмт хэргийн бүрэлдүүний хүндрүүлэх шинж (бусдыг санаатай алах, бусдын бие махбодид хүнд гэмтэл санаатай учруулах, хүчиндэх) болох гэмт үйлийг үйлдсэн нөхцөл байдал. Тухайн тодорхой гэмт хэрэг үйлдэхийн өмнө болон үйлдэх явцдаа хохирогчид олон удаа шарх буй болгон тарчилгаж зовоох, зовоож зүдрээх арга буюу тийм үйлчлэлтэй бодис хэрэглэх, амьдад нь түлж шатаах, удаан хугацаагаар хоол, ундгүй байлгах зэргээр илэрч болно. Түүнчлэн бусдыг санаатай алах гэмт хэргийн тохиолдолд хохирогчийг ойр төрлийн хүмүүсийн нь дэргэд алж тэдгээрийг сэтгэл санаа, ёс суртахууны хүнд шаналал, дарамтад санаатай оруулсан, алсны дараа хохирогчийн цогцсыг зориуд тохуурхан доромжилж огтчин хэсэглэсэн үйлдэл нь О.х.х.б.-д хамаарна. Гэмт хэргээ нуун далдлах зорилгоор цогцсыг шатаасан, эрхтэнг салгасан, устгасан явдлыг О.х.х.б.-д тооцохгүй.

Creative Commons