олон улсын гэрээ

хэлэлцээр

Монголоор

Хадмал үг

[англ. treaty]

[ор. международный договор]

Тайлбар

хууль.

хоёр буюу хэд хэдэн улс, олон улсын эрх зүйн бусад субъектүүд улс төр, эдийн засгийн болон бусад харилцаанд тэдгээрийн хооронд харилцан эрх, үүрэг тогтоох буюу эсхүл өөрчлөх буюу эсхүл дуусгавар болгох хэлэлцээр. О.у.г. нь олон улсын эрх зүйн үндсэн эх сурвалж болдог. О.у.г. нь гэрээ, хэлэлцээр, пакт, трактат, конвенц, тунхаглал, албан ёсны мэдээ (коммюник), протокол гэх зэргээр олон янзаар нэрлэгдэх олон улсын бүх хэлэлцээрийг хамарсан төрлийн шинжтэй ухагдахуун. Эдгээр нэрэнд хатуу тогтоосон нарийн зааг ялгаа байдаггүй. Хэрхэн нэрлэхээс үл шалтгаалан бүх гэрээ нь хууль зүйн нэгэн адил хүчин чадалтай байна. Олон улсын гэрээнд оролцогчдын тооноос хамааран хоёр ба олон талын хэмээн ангилна. Хэрэв олон улсын гэрээнд бүх сонирхогч улсууд оролцож байвал түүнийг нээлттэй гэж нэрлэнэ. - үз. Монгол улсын олон гэрээ

Creative Commons