Jump to content
- [англ. pronouncement of citizen is decedent/the deceased]
- [ор. объявление умершим]
- хууль.
- иргэний эрх зүйд хуулиар тогтоосон хугацааны туршид тухайн иргэний байнга оршин суугаа газарт ямар ч мэдээ сэлт байхгүй бол иргэнийг шүүх нас барсанд тооцох. МУ-ын ИХ-ийн 24 дүгээр зүйлд заасны дагуу иргэн оршин суугаа газраасаа алга болсноос хойш таван жилийн хугацаанд хаана байгаа нь мэдэгдэхгүй сураг чимээгүй болсон, эсхүл амь үрэгдэж болох нөхцөл байдалд алга болсноос хойш нэг жилийн туршид амьд байгаа эсэх нь мэдэгдэхгүй байгаа бол сонирхогч этгээдийн хүсэлтээр шүүх түүнийг нас барсан гэж зарлаж болно. Байлдааны ажиллагаанд оролцож яваад сураггүй болсон этгээдийг уг ажиллагаа дууссан өдрөөс хойш хоёр жил өнгөрсний дараа шүүхээс нас барсан гэж зарлаж болно. Иргэнийг нас барсанд тооцсон шүүхийн шийдвэр хүчин төгөлдөр болсон өдрийг уг этгээдийг нас барсан өдөр гэж үзнэ. Амь үрэгдэж болох нөхцөл байдалд алга болсон иргэнийг нас барсан гэж зарласан бол шүүх нас барсан байж болох өдрийг уг этгээдийн нас барсан өдөр гэж тооцож болно. Нас барсан гэж зарлагдсан этгээд эргэж ирэх буюу байгаа газар нь тогтоогдсон бол шүүх урьд гаргасан шийдвэрийг хүчингүй болгоно.[1]
Creative Commons
- ↑ С.Нарангэрэл “Монголын эрх зүйн англи, орос, латин хадмал эх толь бичиг", Улаанаатар 2015 он, дөрөв дэх хэвлэлт
