гэм буруу

Монголоор

Хадмал үг

[англ. fault; guilt]

[ор. вина]

Тайлбар

хууль.

1.тухайн этгээдээс өөрийнхөө эрх зүй зөрчсөн зан үйл (үйлдэл, эс үйлдэхүй) ба түүний хор уршигт харьцсан сэтгэцийн хандлага. Тухайн этгээд өөрийн зан үйл түүнтэй холбогдсон үр дүнгийн хориглогдсон (эрх зүйн эсрэг) байдлыг ухамсарласан (ойлгосон) байдаг. Г.б. нь хууль зүйн хариуцлага хүлээлгэх зайлшгүй чухал нөхцөл;

2. эрүүгийн эрх зүйд Г.б. нь гэмт хэрэг үйлдэхдээ санаатай буюу болгоомжгүй хэлбэрээр харьцсан сэтгэцийн хандлага. Г.б.-ийн урьдчилсан нөхцөл нь тухайн этгээд хэрэг хариуцах чадвартай ба хуулиар тогтоосон эрүүгийн хариуцлага хүлээлгэх насанд хүрсэн байх явдал юм;

3. иргэний эрх зүйд иргэний эрх зүйн зөрчилд хариуцлага хүлээлгэх нөхцөл: гэрээний буюу бусад үүргийг биелүүлээгүй буюу зохих ёсоор биелүүлээгүй, хууль бус хэлцэл хийсэн, эд хөрөнгийн гэм хор учруулсан зэрэг иргэний эрх зүйн зөрчил үйлдсэн этгээд нь Г.б.-тай байна. Хариуцлагаас чөлөөлөгдөхийн тулд тухайн этгээд өөрийн гэм буруугүй байсныг нотлох ёстой. Г.б-ийн хэлбэр нь иргэний эрх зүйн хариуцлагын хэмжээнд нөлөө үзүүлэхгүй;

4.олон улсын эрх зүйд Г.б. гэдэгт тухайн субъект олон улсын хариуцлага хүлээх олон улсын эрх зүйн зөрчил үйлдснийг тогтоосон үйл баримтыг ойлгоно.

Creative Commons