Jump to content
- [англ. intangible asset]
- банк санхүү.
- мөнгөн бус, биет шинж чанаргүй, мэдэрч тодорхойлж болох хөрөнгө6; нүдэнд харагдаж гарт тэмтрэгдэхгүй боловч үнэ өртөгтэй, компанийн нэр төр, патент, худалдааны тэмдэг, зохиогчийн эрх гэх мэт актив7; бодит шинжийг агуулаагүй, харж, барьж, бодитоор хэмжиж болдоггүй боловч мөнгөн урсгал үүсгэдэг хөрөнгө. Биет бус хөрөнгө худалдааны тэмдэг, патент, зохиогчийн эрх гэх мэт хууль ёсны биет бус хөрөнгө; ноү-хаү, мэдлэг гэх мэт өрсөлдөөн дээр үндэслэсэн биет бус хөрөнгө гэсэн үндсэн хоёр хэлбэртэй байдаг. Эдгээр нь зах зээлд зарим нэг давуу талыг компанид олгодог. Тухайлбал, гүүдвилл, компанийн нэр хүнд, зохиогчийн онцгой эрх, нөхцөлт босго буюу давуу эрх, банкны эмблем тэмдэг гэх мэт биет бус хөрөнгө биет шинж чанаргүй ч, эзэмшигчдээ эрх ашиг, онцгой эрхийг авчирч, орлого оруулдаг. гүүдвилл-ийг үзнэ үү. Биет бус хөрөнгийг үүссэн байдлаас нь хамаарч худалдааны эрх, уялдаа холбоо, бүлэглэсэн биет бус хөрөнгө, оюуны өмч гэж ангилж болно. Нягтлан бодох бүртгэлийн мэргэжлийн тухайд, хүлээн зөвшөөрөхүйц, хууль ёсны, гэрээгээр тодорхойлсон үлдэх ашиглах хугацаатай, тусад нь шилжүүлэх буюу бизнесээс салгах боломжтой бие даасан биет бус хөрөнгийг хүлээн зөвшөөрөхөөр хязгаарладаг.[1]
Creative Commons
- ↑ А.Ганзориг нар “Банк санхүүгийн нэр томьёоны товч тайлбар толь", Улаанбаатар 2015 он
