ЯЛ

Монголоор

Хадмал үг

[англ. punishment]

[ор. наказаниe]

Тайлбар

хууль.

1. шүүхийн шийтгэх тогтоолоор ногдуулдаг төрийн албадлагын арга хэмжээ; гэмт хэрэг үйлдсэн гэм буруутайд тооцогдсон этгээдэд Я. хэрэглэж, тухайн этгээдийн эрх чөлөөг эрүүгийн хуульд заасны дагуу хасах буюу хязгаарлана. Я.-ыг иргэн, нийгмийг гэмт халдлагаас хамгаалах, гэмт хэргийн улмаас зөрчигдсөн эрхийг сэргээх, гэмт хэрэг үйлдсэн этгээдийг цээрлүүлэх, хүмүүжүүлэх, гэмт хэрэг үйлдэхээс урьдчилан сэргийлэх зорилгоор хэрэглэнэ. МУ-д Я. нь дараахь төрөлтэй: торгох; тодорхой албан тушаал эрхлэх, үйл ажиллагаа явуулах эрхийг хасах; эд хөрөнгө хураах; албадан ажил хийлгэх; баривчлах; хорих; цаазаар авах.

Торгох; албадан ажил хийлгэх; баривчлах; хорих; цаазаар авах ялыг үндсэн ялын чанартай, тодорхой албан тушаал эрхлэх, үйл ажиллагаа явуулах эрхийг хасах ялыг үндсэн ба нэмэгдэл ялын чанартай, эд хөрөнгө хураах ялыг зөвхөн нэмэгдэл ялын чанартай хэрэглэнэ; 2. монголын эртний хууль тогтоомжид гэмт хэргийг ийнхүү нэрлэж байсан.

Creative Commons