ШҮҮХ ЭРХ МЭДЭЛ

Монголоор

Хадмал үг

[англ. judicial power]

[ор. судебная власть]

Тайлбар

хууль.

үндсэн хуулийн эрх зүйд төрийн эрх мэдэл хуваарилах зарчмын дагуу (хууль тогтоох, гүйцэтгэх эрх мэдлийн зэрэгцээ) нийтийн эрх мэдлийн бие даасан, хараат бус хүрээ; шүүн таслах ажиллагааг хэрэгжүүлэх бүрэн эрхийн нийлбэр цогц бөгөөд өөрөөр хэлбэл, эрүүгийн, иргэний, захиргааны ба үндсэн хуулийн хэргийг (маргааныг) байцаан шийтгэх хуульд тогтоосон журмаар хянан хэлэлцэх ба шийдвэрлэх бүрэн эрхтэй, түүнчлэн заримдаа эрх зүйн хэм хэмжээг заавал тайлбарлах (жишээ нь АНУ-ын Дээд шүүх, ОХУ-ын Үндсэн хуулийн шүүх) бүрэн эрх, эрх зүйг бүтээх (англо-саксоны улсуудад шүүхүүд шүүхийн жишиг буй болгосон) бүрэн эрх, хяналтын (жишээ нь баривчилсан буюу албадан саатуулсан нь хууль ёсны эсэхийг шалгах) бүрэн эрх, өөр зарим хоёрдугаар зэргийн (үйл баримт тогтоох, зарим улсад корпорац, улс төрийн нам бүртгэх зэрэг) бүрэн эрхийг хэрэгжүүлдэг. Ш.э.м.-ийн бүрэн эрхийг үндсэн ба шүүн таслах ажиллагаа хэрэгжүүлэх буюу нэмэгдэл гэж ангилна.

Creative Commons