Хүч нэмэгдүүлэх сул үг

Тодорхойлолт

Аливаа юмсын шинж үйл явдлыг утгын талаар товойлгох зорилготой сул үгсийг хүч нэмэгдүүлэх сул үгс гэнэ. Хүч нэмэгдүүлэх сул үгс: ч, л

  Жинхэнэ нэр, Тооны нэр, Төлөөний үг + л, ч = Онцлох өнгө аяс 
Жишээ нь: Гацуур ч сайхан мод юм даа. Өдөржин ном л уншлаа. Би ч гэсэн тэгж бодож байна.

 Үйл үгийн дараа + ч = Хүсэж санааширсан өнгө аяс
Жишээ нь: Олигтой юм идэж уусан ч үгүй. Өвдөх ч гэж дээ.

 даа4 + ч = Эргэлзсэн өнгө аяс
Жишээ нь: Тэр ч дээ бүтэхгүй байхаа даа. 

 Асуул сул үг уу? үү? + ч = Эргэлзсэн үл итгэсэн өнгө аяс
Жишээ нь: Би энэ жил сургуульд яваа ч уу? үгүй ч үү?. Цэцэгээ надад туслаагүйсэн бол би шалгалтаа сайн өг өө ч үү? үгүй ч үү?

 Хэв байдал + л + даа (батлах сул үг) = Зөвшөөрсөн, шаардаж нэхсэн өнгө аяс
Жишээ нь: Миний хүү ахтайгаа хамт явалц л даа. Тэгээд Баяраад хэл л дээ хэл.

 Үйл үгийн дараа + л = Бүрэн гүйцэтгэсэн өнгө аяс
Жишээ нь: Би өчигдөр өдөр гэрийн даалгавраа хийчихсэн л дээ.