Угтан чимэх үг

а) Тэмдэг нэрийн өмнө угтан орж утгыг нь эрчимжүүлэн чимэх үг: маш, нэн, тун, улам, үлэмж, асар... б) Үйл үгийн өмнө угтан орж, үйл байдлын утгыг дүрслэн чимэх үг: ~хага, хуга, бут, бяц, няц, дэлбэ, хэмх; ~ шар, шур, тар... в) Үг, өгүүлэмжийн өмнө угтан орж утга болон агуулгыг нь төрөл бүрийн баймж утгаар чимэх үг: ер нь, уг нь, угаасаа, лав, магад, мэдээж, үнэхээр(Батлах); ялангуяа, зөвхөн, гагцхүү (Чухалчлах)

Үүргээр нь:

1.Гишүүнийг угтан чимэх үг: Өгүүлбэрийн аль нэг гишүүнийг өмнө орж тухайн гишүүнээр илрэх утгыг нэмэн дэлгэрүүлэх үүрэгтэй. -маш, нэн, тун, хага, хуга, цоо, огло, пад, пир, час, үл, эс,бүү, битгий, зөвхөн, бараг Жишээ: Их мэдэхийг биш,маш гүнзгий мэдэхийг чармай.

      Барьж явсан модоо хуга татан галд хийгээд гарч одов. 

2. Өгүүлбэрийг угтан чимэх үгс: Өгүүлбэрийн өмнө орж тухайн өгүүлбэрээр илрэх утгыг нэмэн дэлгэрүүлэх үүрэгтэй. -ялангуяа, заавал, чухамдаа,ядахдаа, эрх биш, магад, мэдээж, харамсалтай нь Жишээ: Ер нь үүний сайхныг амьд байхад нь бүрэн гүйцэт мэддэггүй болотой.

      Ялангуяа манай нутгийн олон хүн хилс хэрэгт өртсөн дөө.