Тодорхойгүй төлөөний үг

Тодорхойлолт

Монгол хэлэнд бие даасан тодорхойгүй төлөөний үг байхгүй. Тодорхойгүй төлөөний үгс ихэвчлэн задлаг аргаар бүтнэ. Тодорхойгүй бус хүн амьтан, юмс үзэгдэл, шинж чанар, тоо ширхэг, орон байр, цаг хугацаа, үйл хөдлөлийг төлөөлөн заах хэн ч, юу ч, аль ч, ямар ч, хэд ч, хэчнээн ч, хэзээ ч, хэдийд ч, хаана ч, хаашаа ч, хаагуур ч, яах ч, хэн нэг, аль нэг, ямар нэг, хэзээ нэг, хаа нэг, аливаа, ямарваа гэх мэт үгсийг тодорхойгүй төлөөний үг гэнэ.

Онцлог

• Бүх асуух төлөөний үгэнд ч гэсэн чимэх үг дагуулж, үг ялган ерөнхийлсэн утгатай тодорхойгүй төлөөний үг үүсгэнэ.
• Хэн, аль, ямар, хэзээ, хаа зэрэг асуух төлөөний үгсийн дараа бие даасан утгаа алдаж, туслах үгийн үүрэгтэй болсон нэг гэсэн үг дугуулж ялган ерөнхийлсэн утгатай тодорхойгүй төлөөний үг үүсгэнэ.
• Аль, ямар гэсэн асуух төлөөний үгэнд -ваа дагавар залгаж аль ч, ямар ч гэсэн тодорхойгүй төлөөний үгтэй ойролцоо утгатай төлөөний үг нийлэг аргаар үүсгэнэ.
• Тодорхойгүй төлөөний үгс нь нэр үйлийн нөхцөлөөр хувилах, үл хувилах нь бодит үгстэй адил.