ОЛОН НИЙТИЙН АЮУЛГҮЙ БАЙДАЛ

Хадмал үг

[англ. public safety;]

Тайлбар

хууль.

Public safety, public security гэдэг үг адил олон нийтийн, нийгмийн, төрийн аюулгүй байдал буудаг боловч цагдаа судлалын хүрээнд “public safety” нь манай хууль тогтоомжид зааснаар нийгмийн дэг журам, олон нийтийн хэв журам гэсэн утгаар, “public security” гэснийг олон нийтийн аюулгүй байдал гэж ойлгож хэрэглэнэ. “Safety” болон “Security” гэсний ялгаа нь “Safety” дээр олон нийтийн амгалан тайван байдлыг хангах хууль сахиулах идэвхитэй үйл ажиллагаа хамаардаг. Өөрөөр хэлбэл нийтээр тогтоосон хэв ёсыг зөрчиж байгаа үйлдлийг эрж хайж таслан зогсоох, шийтгэл оногдуулах, замын хөдөлгөөнд баримтлах хэм хэмжээг мөрдүүлэхийн тулд зохицуулалт хийх, эдгээрийг зөрчсөн бол хариуцлага хүлээлгэх зэрэг багтана. Харин “Security” гэсэн үг хэрэглэгдэж байгаа олон нийтийн аюулгүй байдлыг хангахад аюул занал ирэхээр сэргийлэхэд чиглэсэн, ирсэн тохиолдолд түүнээс хамгаалах, таслан зогсоох зэргээр хариу үйлдэл хийх үйл ажиллагааг хамруулж авч үздэг. Өөрөөр хэлбэл олон нийтийг аюулгүй байлгах талаар явуулах ажиллагааны төрөл, хэлбэрээс шалтгаалан өөрөөр хэлэгддэг. Ерөнхийдөө аль аль нь олон нийт амар тайван байх тухай ойлголт.