Монгол хэлний дагаврын аргаар бүтсэн шинэ үгийг ажиглахад язгуур ба үндсэнд дагавар залгаж бүтээхээс илүү үүсмэл үгэнд дагавар залгаж бүтээх нь илүү байдаг. Мөн харь үгэнд үйл үг бүтээх дагавар залгаж, үүсмэл үйл үг бүтээх хэлбэр цөөнгүй байна. Тухайлбал: Зөвшилцөл, тураал, намчирхах, зуучлагч, батламж, туйлшрах, шоудах, рекетлэх, канондах, вакцинжуулалт гэх мэт.
Дагаврын аргаар шинэ үг бүтэх хэлбэрүүдээс үйл үгээс нэр үг бүтэх арга нь хамгийн бүтээлч байдаг. Жишээ нь:цэнгүүн, тураал, итгэгч, сэргээш, сорил, бодомж, дархлаажуулалт, суулт, тэтгэлэг гэх мэт.
