Амуу

Монголоор

Үгийн дуудлага

Аmu:

Үгийн утга

I нэр. Будаа тарианы ерөнхий нэр

II урга. амуу цэцэг (Иш өндөр, навч тонхуу ногооны навчирхуу, үр ихтэй таримал эмийн найрлагад орох цэцэг, бүх биед нь цагаан шүүс буй, улаан, ягаан, цагаан өнгийн дөрвөн хэлтэстэй цэцэг дэлгэрэн, хар тамхины түүхий эд болно).

Тодорхойлолт

Монгол бичгээр “аму” гэж бичнэ. Энэ бол бүх төрлийн шар будааг хэлнэ. Энэ үгийг өвөр монголчууд “ам” гэж дуудна, ар монголчууд “амуу” гэж дуудна. Хуурай шар будаа буюу хуурсан будааг “Монгол ам” гэж бас хэлдэг. Шар будааг бичгийн хэлэндээ “хоног” гэж хэлдэг. Хоног нь дотроо бог будаа, хуурсан будаа зэрэг төрөл зүйлүүдтэй.

Холбоо үг

амууны цувруул (тариа юүлэх хэрэгсэл)

монгол амуу (мөхлөг нь улаан хоногоос томхон, эрт боловсордог нэгэн зүйл тариа)

амууны хивэнч амьт. (байгалийн нөхцөлд өмхөрч ялзарсан модлог эд, модны мөөгөнд өсч бойждог, үе үе нэн олноороо үржиж, үдшийн бүрийгээр нисдэг шавж)

амууны загалмайт цох амьт. (ургамлын түрүү үндсээр хооллодог илтэст цохын овгийн шавж)

Хоршоо үг

амуу будаа (тариа будаа)

амуу буурцаг (будаа буурцаг)

амуу тариа (будаа тариа)

амуу хүнс (хүнс тариа)

Ойролцоо үг

будаа

тутарга

тариа

хоног

Зүйр цэцэн үг

тарих амуугүй байтлаа бялзуухайд идүүлэх амуутай(бусдаас харамлаж, өөрөө нууж идэх), амуугаа үзэж, усаа хий цэцэн. (орчин нөхцөл байдлаа мэдэж байж, шаардагдах зүйлийг нь тохируул)

Хэвшмэл хэлц

Алжуу хүнд амуу илүүдэхгүй

Ажилч хүнд ажил илүүдэхгүй

Үндэсний бичиг

femO

(аму)