ямаа(н)

Монголоор

Үгийн утга

ямаа(н) амьт Үс урт, сүүл годгор, хос туруутай, хэвэгч дэлэнт амьтан, зэрлэг тэжээвэр хоёр янз, олон зүйл бий: ямаа ишиглэх (эм ямаа ишиг гаргах), ямаа хариулах (ямаа бэлчээрлүүлэх), *ямаан зан (түргэн зан), *ямаан омог (өнгөн дээрээ сүржин, огцом түргэн ууртай зан), ямаан үс (амьтны үс ямааны үстэй адил төстэйг нь), ямаан хилэн (өнгөн талд нь тачир нягт үс гаргаж нэхсэн нэг зүйл хилэн), хонь ямаа хорш. (бог мал), *ямаанаас янзтай, тэмээнээс гэдгэр (этгээд жигтэй, гажууд хүн), *ямааны мах халуун дээрээ (аливаа зүйлийг алгуурлалгүй, шинэ сэргэг дээр нь даруйхан хий), *ямаа туйлавч янгирцаг эвдэхгүй, тэмээ туйлаад тэнгэрт гарахгүй (шалихгүй биз дээ), ямаан арц урга. (ойд ургадаг, шөвгөн навчны үзүүрт өргөстэй, ширхэг нарийн нэгэн зүйл арц), ямаан бор урга. (дурс хар, дүгрэг навчтай мах улаан болоод артай нэгэн зүйл мод), ямаан бургас урга. (ойд ургана, навч нь энгийн бургастай адил, дурсны уг этгээд хөхөвтөр, үзүүр тал нь улаавтар нэгэн зүйл бургас), ямаан бүрээ хөгжим. (далайн нэгэн зүйл амьтны ясаар хийсэн дотроо хөндий, гадна тал нь арзгар, үлээхэд орхирч нарийхан дугардаг хөгжим), ямаан гөрөөс амьт. (зэрлэг ямаа), ямаан зангуу урга. (иш нь зэллэж ургадаг, жижиг навчтай, жижигхэн шар цэцэгтэй, нэг наст өвс, үр нь эмд орно), ямаан сахал урга. (нийлмэл цэцэгтний овогт багтдаг хоёр наст ногоо, хоёрдахь жилдээ цэцэглэж эхэлнэ, үндэс, навчийг нь хүнсэнд хэрэглэнэ), ямаан ууц амьт. (хилэнцэт аалз), ямаан харгана урга. (тал хээрийн бүсэд намхан ургадаг тод шар өнгийн хальстай нэг зүйл харгана; алтан харгана), ямаан хөх урга. (боровтор хүрэн цэцэгтэй, зөөлөн цайвар үстэй, сүүн цагаан шүүстэй, бөөрөнхий үндэслэг иштэй олон наст өвс, үндэс болоод иш нь эмд орно), ямаан шарилж урга. (хуучин үндэснээс ургахгүй, үрээс малтуушлан ургадаг нэгэн зүйл шарилж), ямаан шийр урга. (бүтэн хөвөө бүхий уртавтар зууван навчтай, эшнийхээ дээд хэсэгт багларан ургадаг шарангуй ногоон жижиг цэцэгтэй олон наст өвс, навчных нь шүүсээр эм, тариа хийнэ), ямаан эвэр урга. (цэнхэр цэцэгтэй, чулуурхаг газар бут бутаар ургадаг, навч нь бургастай адил заримдаг сөөг; догар), янгир ямаа амьт. (нэг зүйл зэрлэг ямаа).

'

'

'

'

'

'

Холбоо үг

• ямаа ишиглэх - эм ямаа ишиг гаргах
• ямаа хариулах - ямаа бэлчээрлүүлэх
• ямаан зан - түргэн зан
• ямаан омог - өнгөн дээрээ сүржин, огцом түргэн ууртай зан
• ямаан үс - амьтны үс ямааны үстэй адил төстэйг нь

Зөв бичих зүй

• м.к.б ямаа(н) амьт. (мал) ~ ишиглэх, хонь ~ хорш. (бог мал), *~н омог, *~ны мах халуун дээрээ, амьт. янгир ~, ямааны, ямаанд, ямаанаас, о.тоо ямаанууд
• м.б