цагдаагийн мөшгих ажиллагаа

Хадмал үг

[англ.police pursuits ]

Тайлбар

Цагдаагийн мөшгих ажиллагаа гэдэг нь цагдаагийн алба хаагч сэжигтэн, зөрчил гаргагч этгээдийг цагдаагийн албаны автомашиныг жолоодон хөөх, мөшгих ажиллагаа юм. Энэхүү ажиллагаа нь хоёр үндсэн төрөлтэй байдаг бөгөөд нэгдүгээрт нь, удаанаар мөшгих. Сэжигтэн этгээдийн жолоодож буй автомашины хурдаас хэтрүүлэхгүйгээр араас нь дагаж мөшгих юм. Энэ төрлийн мөшгилт нь ихэвчлэн сэжигтэн этгээд хүрэх газраа хүрсэн, зам тээврийн осолд орсон, эсхүл автомашины шатахуун дууссан тохиолдолд дуусдаг. Хоёрдугаарт, өндөр хурдтай мөшгих. Сэжигтэн этгээд замын хөдөлгөөний дүрэм болон эрүүгийн хууль тогтоомжийг зөрчин өөртөө болон нийгэмд заналхийлэх, түүнчлэн өндөр хурдтай зугтах нь бусад тээврийн хэрэгсэл, байшин барилга, орон сууц зэрэг эд хөрөнгөнд тодорхой аюул заналхийлж байдаг.