хэв журам сахиулах үйл ажиллагаа

Хадмал үг

[англ. order maintenance (police)]

Тайлбар

Хэв журам сахиулах үйл ажиллагаа нь орчин үеийн цагдаагийн байгууллага үүссэн цагаас хойш цагдаагийн байгууллагын гол үүрэг, үйл ажиллагаа байсаар ирсэн. Цагдаа нь хэв журам сахиулахдаа эрх мэдлээ урвуулан ашиглах, улмаар, илт хууль бус, хориотой нөхцөлд хүмүүсийг цагдан хорих, баривчлах нь энэхүү үйл ажиллагааг хэрэгжүүлэхтэй холбоотой үргэлж яригддаг асуудал юм. Иймд хэв журам сахиулах үйл ажиллагаатай холбоотой шинэтгэлийг өрнүүлэхэд түүний хууль ёсны, шударга хэрэглээг тодорхой зааврын дагуу хэрэглэхийг эргүүлийн цагдаа нарт ойлгуулах, хэвшүүлэх замаар энэхүү эрх мэдлийг далим болгон ашиглах асуудлыг зогсоох боломжтой. Үүний зэрэгцээ хэв журмыг сахиулахад тодорхой хязгаартай үйл ажиллагаа явуулах нөхцөлийг бүрдүүлэх, тухайлбал, баривчилгааны хугацааг богиносгох, урьдчилан сэргийлэх арга хэмжээг түлхүү авч хэрэгжүүлэх, ятгах, торгох, хэсэг хугацаагаар цагдан хорих зэрэг арга хэмжээг хөгжүүлэх, хэрэгжүүлэх ч шаардлагатай юм.