ормол үг

Тодорхойлолт

монгол хэлэнд янз бүрийн хэлний үг нэвтэрч ирсэн нь монгол хэлний үгийн сан бүрэлдэхүүний хувьд дутуу дульмаг байснаас шалтгаалсан хэрэг огтхон ч биш харин хол ойрын олон улс гүрэнтэй нийгэм түүхийн янз бүрийн үе шатанд түүх соёл, шашин шүтлэг, улс төр, эдийн засаг, худалдааны талаар өргөн харилцаатай явж ирсэний гэрч баталгаа юм. аль ч хэлэнд харь хэлнээс үг орж ирэх нь зүй ёсны үзэгдэл юм. тухайн ард түмний оюуны болон соёлын хөгжлийн зайлшгүй хэрэглээ болж нөгөө талаар төрөл ба төрөл бус харилцааны хэрэгдүүр болдог. харь хэлнээс орж ирсэн үгийг ормол үг гэнэ.