бороо

Монголоор

Үгийн дуудлага

[boro:]

Үгийн утга

I нэр.

1. Агаарын тунадасын ууршин унасан усан дуслууд

II нэр.

1. Хугарсан гэмтсэн ясанд тогтох булцуу бэрсүү
2. Хулуу хуянгаас болж болцойх өвчин.

III нэр.

1. Зангираа, зангирсан хэсэг

IV нэр.

1. Шинэ жилийн сүлд мод чимэх саа, гоёл чимэг.

V.

1. сумны бороо (сумны ясан болцуу).

Ойролцоо үг

Хур

Нийлмэл үг

аадар бороо - их устай бороо

азарган бороо - усархаг ширүүн бороо

нартай бороо - нарны гэрэл хөндлөнгөөс тусч байх үеийн бороо

бороо шиврэх - хур бороо зөөлөн орох

бороо тогтох - бэрсүү тогтох

сампингийн бороо - дээлийн сампин товчны зангидсан товгор

Зөв бичихзүй

Үг хувилгах зарчим

Кирил бичгийн зөв бичихзүй

бо|роо нэр. борооны, бороонд, борооноос, бороогоор

Орчуулга

• Англиар: rain

Хоршоо үг

• бороо мөндөр - жижиг мөсөн тунадастай хур
• хур/хур бороо - агаарын тунадас
• бороо цас - халуун, хүйтний улиралд газарт буух агаарын тунадас

Хэлц үг

Өвөрмөц хэлц

борооны дараах мөөг шиг - ямар нэгэн зүйл богино хугацаанд хэтэрхий олон болох

өнгөрсөн борооны хойноос цув нөмрөх - а.хэрэг явдал нэгэнт өнгөрсөн хойно дэмий сүржигнэх; б.хэрэг явдлын болж байгаа ид үед нь зохистой арга хэмжээ авахгүй хожимдох

салхи борооны явдал - садар самуун явдал

борооны дараах мөөг шиг - ямар нэгэн зүйл богино хугацаанд хэтэрхий олон болох~Төрийн бус байгууллагууд борооны дараах мөөг шиг нэгэн зэрэг олноороо гарч ирлээ.

борооны хонь шиг - улбагар, сул дорой~Лам захтай уранхай улаан хүрэн дээлтэй банди сүрхий ядарч, даарсан бололтой элгээ тэврэн гэлдэрч явлаа. Хамар нь борооны хонь шиг шуухитнан яваа энэ хүү бол бидний танил Бат байв (Ч.Лодойдамба, Тунгалаг тамир).

борооны хэрэг - эр эмийн ажил~Тийнхүү Жалцан охин хоёр дотор дотроо үүлний шатыг дамжин, сарны оронд очин борооны хэргийг гүйцэтгэх хэмээн хүсэн хүссэн боловч арга буюу танилцаагүй нүүр учран ярилцаагүй хоёр дэмий л нэгэн зэрэг нууц нүдээр давдан харалцаж хоромхон зуур идээлэн дуусаад тус тусын замаар өөр өөрийн гэрийн зүг явах болов (М.Ядамсүрэн, Залуу хос).

бороотой ч болзоондоо - за гэвэл ёогүй гэсэн санаа~Би амлачихсан юм аа. Туслалгүй болохгүй. Бороотой ч болзоондоо гээд явсандаг.

↑ өнгөрсөн борооны хойноос цув нөмрөх

↑ үүлэн борооны явдал

↑ салхи борооны явдал

Хэвшмэл хэлц

Бороо ахадвал үер

Бор ахадвал өвчин

Бороо ахадвал үер буудаг

Бодлого арвидвал нойр хулждаг

Бороо орсон газар шүүдэртэй

Бордоо хийсэн газар шимтэй

Бороо тогтох

Бойр хатах

Бороо хур цагтаа орвол бэлчээр дүүрэн

Бодсон явдал цагтаа болбол сэтгэл дүүрэн

Бороо хур элбэг бол гандахгүй

Бодол ухаан мэргэн бол буруудахгүй

Буруу явбал торох

Бороо орвол норох

Бусдын нөмөргөөр

Бороо халхлах

Аман зохиолд орсон нь

Зүйр үг

Борооны өмнө шороо

Боохойн өмнө хэрээ

Тайлбар: а.аливаа хэрэг явдал болохын өмнө муу шинж тэмдэг мэдэгдэх; б.муу этгээд ирэхийн өмнө муу ёр илэрхий болох