үүрэг гүйцэтгэх сэтгэл зүйн бэлтгэл

Wiktionary-с

Хадмал үг[засварлах]

[англ. psychological fitness for duty]

Тайлбар[засварлах]

Цагдаагийн алба хаагчийн үйл ажиллагааны талаар зарга маргаан үүсэх, эрх мэдлээ урвуулан ашиглах, үүргээ үл биелүүлэх зөрчил ихэсдэг шалтгааны нэг бол алба хаагчийн сэтгэл зүйн чадамж, сэтгэлийн хөдөлгөөнөө жолоодох, сэтгэцийн хэвийн байдалтай шууд холбоотой байдаг.
Сэтгэл зүйн бэлтгэлгүй цагдаагийн алба хаагч өөрийн болон бусдыг эрсдэлд оруулах магадлал өндөр. Алба хаагчийн сэтгэл зүйн хэвийн бус байдалд орох шалтгаан бол цалин хөлс , олон хүнийг хамарсан, хохироосон гэмт хэргийн газарт ажиллах, хүүхдийн эсрэг үйлдэгдсэн гэмт хэргийн газарт ажиллах, эсхүл өөрөө галт зэвсэг хэрэглэж бусдыг буудсан, барьцаалагдах, нийтийн эмх замбараагүй байдлын үед хохирогч болох, хамт ажилладаг алба хаагч бусдад алагдсан зэрэг байдаг. Ийм үед алба хаагч мэргэжлийн үүднээс сэтгэл зүйгээ жолоодож хяналтадаа байлгах явдал маш чухал. Ийм алба хаагчид архи, мансууруулах бодист донтох эмгэгтэй болох, гэр бүлийн хүчирхийлэл үйлдэгч болж болзошгүй байдаг.
Иймд үүний шалтгаан нөхцөл, тэдгээрийг даван туулах арга замын талаар дэлхийн олон улс орон, цагдаагийн байгууллагууд судалж үзэж янз бүрийн төсөл хөтөлбөр хэрэгжүүлсээр ирсэн байна. Үүнд алба хаагчдаа тогтмол хугацаанд сэтгэл зүйн үзлэг оношлогоонд хамруулах, эмчилгээ, сэргээн засах эмчилгээнд явуулах, иог, бясалгалын төрлүүдийн сургалт тогтмол явуулах, алба хаагчдыг ажиглаж хянаж анхаарал тавих даргын хариуцлагыг өндөржүүлэх зэрэг арга хэмжээнүүд хамаарна.[1]
  1. Хууль сахиулахын их сургуулийн Эрдэм шинжилгээ, хөгжлийн хүрээлэн, Цагдаагийн шинжлэх ухааны зарим нэр томьёоны гарын авлага, Улаанбаатар 2017