үзэл

Монголоор

Үгийн гарал

Үгийн дуудлага

[ьʣel]

Үндэсний бичиг

ᠡᠣ᠊᠊ᠢ᠊᠊ᠵ‍ᠠ‍ᠯ

(үжэл)

Галиглах зарчим

Үгийн утга

нэр.

Ямар нэг юмны тухай хатуу баримталсан санал бодол
Байгаль нийгмийн аливаа үзэгдэл юмсын тухай шинжлэх ухааны үүднээс судалж, нэгтгэн дүгнэсэн онол.

Ойролцоо үг

Нийлмэл үг

бэртэгчин үзэл - амиа хичээх бодол

дэвшилт үзэл - хөгжлийн явцад хөгжил дэвшил, сайн сайхныг номлодог үзэл

тогтсон үзэл - хэвшсэн баримтлал

үндэсний үзэл - үндэстнийг хооронд нь дайсагнуулах, өөрийн үндэстнийг бусдаас илүүд үзэх харгис үзэл бодол

харгис үзэл - дэвшилт үзэл санааг эсэргүүцсэн, шударга бус явдал гаргадаг, нэг талыг хэт баримталсан бодлого

олон эшт үзэл - ахуйн уг эх, мэдлэгийн үндэслэгээнд бусдаас үл шалтгаалах хэд хэдэн эхлэл байна гэж үздэг гүн ухааны сургаал

үзэл бодлоо чөлөөтэй илэрхийлэх - санасан бодсоноо чөлөөтэй хэлэх

Зөв бичихзүй

Үг хувилгах зарчим

Кирил бичгийн зөв бичихзүй

ү|зэл нэр. ~ баримтлал хорш., үзлийн, үзэлд, үзлээс, о.тоо үзлүүд

Үндэсний бичгийн зөв бичихзүй

Орчуулга

Хоршоо үг

үзэл баримтлал - голлон барих чиг шугам
үзэл бодол - төлөвшин тогтсон санаа
үзэл мэдэл - эрх мэдэл
үзэл онол - шинжлэх ухааны ерөнхий зарчим, практик үйл ажиллагаанд тулгуурлан боловсруулж нэгтгэн дүгнэсэн байгаль, нийгэм, сэтгэхүйн хөгжлийн тухай тогтсон номлол
үзэл осол - а.алдаатай үзэл бодол; б.эндүүрэл
үзэл санаа - хүний ухаанд объектив бодот байдал, үзэгдэл тусч, ертөнцийг цаашид танин мэдэх, практик дээр хувирган өөрчлөх зорилгыг ухаарсан ухаарал
үзэл сонсол - үзсэн харсан зүйл, түүнээс олж авсан мэдлэг
үзэл суртал - аливаа нэгэн нийгмийн анги, нийгэм улс төрийн байгуулал чиглэлийг илэрхийлэн хамгаалах үзэл баримтлал
үзэл үйлс - санаа бодол болон ажил үйлс

Товчилсон үг

ҮАБҮБ Үндэсний Аюулгүй Байдлын Үзэл Баримтлал

ҮСХ Үзэл Суртлын Хэлтэс

Хэлц үг

Өвөрмөц хэлц

үзлийн юм болох - үзэж харахад хэцүү болох, этгээд гажуу хувцаслах, бохир заваан байх

үзэлд орох - муухай болох

үзлийн юм болох - үзэж харахад хэцүү болох, этгээд гажуу хувцаслах, бохир заваан байх~Тэгээд бөмбөг нүдээд хамаг хувцас хунараа ураад үзлийн юм болоод ирнэ.

үзэлд орох - муухай болох~Цэрэн –За явъя, наад эмээлээ аваад гар. Авгай чамд гутлаа гаргаж өгсөн. Энэ уранхай үзэлд ормоор гутлаа хая (Б.Ринчин, Үүрийн туяа).

Хэвшмэл хэлц

Мэдэлгүй үйлдэх нь

Үзэл үзээгүй харвасан сум мэт

Үзэл явдал санаа таарвал

Ганц хүн ч бол нөхөр болдог

Үндэс муутай мод асхан ургаж чадахгүй

Үзэл муутай хүн үнэнийг барьж чадахгүй

Аман зохиолд орсон нь

Зүйр үг

Үзэл муут хүн үнэнийг баримталж чадахгүй

Тайлбар: өөрийн гэсэн үзэл бодолгүй хүн барьцгүй, үзэл бодол нь төлөвшөөгүй хүн төр барилцаж чадахгүй

Үзэл явдал таарвал ганц хүн ч нөхөр

Үг ээ эс олвол олон хүн ч бол дайсан

Тайлбар: дотно найз ганцаддаггүй; хүнтэй нөхөрлөхөд үзэл бодол, явдал суудал чухал