эд хөрөнгө битүүмжлэн хураах

Хадмал үг

[англ. abatement of nuisance property seizure]

Тайлбар

Орон байранд мансууруулах бодисыг хууль бусаар худалдаалах явдалтай тэмцэхэд хууль сахиулах байгууллагын ердийн арга тактикийг ашиглахад хүндрэлтэй болсон учраас 1980-аад оны сүүлчээр бий болж хөгжиж байгаа гэмт хэргийг бууруулах, урьдчилан сэргийлэхэд чиглэсэн шинэ арга юм. Энэ нь орон байрны өмчлөгчид өөрийн орон байранд мансууруулах бодис худалдах, биеэ үнэлэх зэрэг хууль бус үйл ажиллагаа явуулахгүй байх, түүнийг таслан зогсоох арга хэмжээ авах үүрэг хүлээлгэж, үүнийг зөрчсөн тохиолдолд тухайн байрыг хаах, хураан авахыг хуульчлах арга юм. Энэ ойлголт нь барилгын тухай, галын аюулгүй байдлын тухай, нутаг дэвсгэрийн тухай гэх мэт хууль тогтоомжид оршин суугчдын амгалан тайван амьдрах нөхцлийг хангах, дээшлүүлэх зорилгоор хэрэглэгддэг. Энэ нь тулгарсан асуудлыг шийдвэрлэх, олон нийтэд түшиглэсэн цагдаагийн үйл ажиллагааны нэг хэсэг болдог. Хэрэгжүүлэгч нь нийгмийн хэв журмыг хамгаалахад оролцогч субьектууд буюу улсын байцаагчийн эрх хэмжээг хэрэгжүүлэгчид байдаг.