цагдаагийн сургалт

Хадмал үг

[англ. academies, police]

Тайлбар

Өнөө үед цагдаагийн алба хаагчийг бэлтгэхэд 720 цагийн танхимын сургалт явуулж байна. Үүнд галт зэвсгийн, эрүүгийн хууль, процессын хууль, мөрдөн шалгах ажиллагаа, олон нийттэй харилцах, ёс зүй, шударга байдал, бусад цагдаагийн үйл ажиллагааны суурь мэдлэг багтдаг. Цагдаагийн сургалтын өнөөгийн түвшинд хүрэхэд хүн төрөлхтөн зуу гаруй жил зарцуулсан гэдэг. Сургалтын төв буюу академиудын ихэнх нь цагийн багш хөлсөлж ажиллуулдаг ба 2-4 төгсөлт хийдэг, нэг ангидаа 20-30 суралцагчтай ба тэдгээрийн 17 орчим хувь нь эмэгтэй суралцагч байдаг байна.

Дээр дурдсан 720 цагт дадлагын цаг ордоггүй бөгөөд сургалтын төлөвлөгөөнд галт зэвсгийн сургалт 60, биеийн тамирын хичээл 50, мөрдөн шалгах ажиллагаа 45, бие хамгаалах 44, эрүүгийн эрх зүй 40, эргүүлийн үйл ажиллагаа, түүний аргачлал 40, тээврийн хэрэгсэл жолоодох 36, эрүүл мэндийн анхан шатны тусламж 24 цагийн хичээл тусгагдсан байна. Мөн үндсэн мэдлэг олгох, заавал үзэх хичээлд гэр бүлийн хүчирхийлэлтэй тэмцэх 12, үндсэн хуулийн эрх зүй 11, ёс зүй, шударга ёс 8, хүүхдийн эрхийг хамгаалах хууль тогтоомжийг хэрэгжүүлэх 8, соёлын онцлог харилцаа 8 цаг байхаар заажээ.