хээрийн бэлтгэл болон үнэлгээний хөтөлбөр

Wiktionary-с

Хадмал үг[засварлах]

[англ. field training and evaluation program]

Тайлбар[засварлах]

Хамгийн анхны хээрийн бэлтгэл болон үнэлгээний хөтөлбөрийг 1972 онд Калифорни мужийн Сан-Хозегийн Цагдаагийн Хэлтэс боловсруулж байсан түүхтэй (үүнийг “Сан-Хозегийн загвар” гэж нийтээрээ нэрлэдэг). Үүний учир шалтгаан нь цагдаагийн хэлтсүүд цаашид шинээр төгсөж ирсэн дадлагажигч ажилчдыг чадварлаг алба хаагчид болгохын тулд заавал нэмэлт сургалт явуулах шаардлагатай гэж үзсэн юм.
Сан-Хозегийн загварыг боловсруулахдаа хэд хэдэн чухал зарчмыг тусгасан бөгөөд энэ нь цаг хугацааны явцад одоог хүртэл үр дүнтэй болох нь тогтоогдсон. Нэгдүгээр зарчмыг авч үзвэл, шинээр төгсөж ирсэн дадлагажигчид өөрсдийн олж авсан мэдлэг, ур чадвар болон чиг хандлагыг бодит амьдрал дээр хэрэгжүүлэхийн тулд тодорхой цаг хугацаа шаарддаг байна. Хоёрдугаарт, хээрийн бэлтгэлийн мэргэжилтнүүд дадлагажигчдын үйл ажиллагааны гүйцэтгэл болон явц байдлыг ажил мэргэжилтэй холбоотой боловсруулсан тодорхой стандарт журмын дагуу үнэлж болон дүгнэх ёстой. Ийнхүү стандарт журам байхгүй тохиолдолд нэмэлт сургалтын үр дүн болон түүний баталгаа алдагдах бөгөөд дадлагажигч ажилчдад талтай хандах ёс зүйгүй үйлдэл бий болно.
Сан-Хозегийн загвар дээр суурилсан хээрийн бэлтгэлийг голдуу 11-ээс 16 долоон хоногийн туршид явуулдаг бөгөөд энэ нь тухайн цагдаагийн хэлтсийн нөөц хэрэгсэл болон шаардлагаас хамааран өөр байдаг. Ажил мэргэжилтэй холбоотой төрөл бүрийн ур чадварыг сургалтын явцад шалгуур үзүүлэлт болгон дадлагажигчийн гүйцэтгэлийг харьцуулан дүгнэдэг. Сургалтын үр дүн баталгаатай болсон эсэхийг бататгах үүднээс дээрх ажлуудыг тухайн агентлагт гүйцэтгэдэг тодорхой ажил үүрэгтэй шууд холбож авч үздэг. Өөрөөр хэлбэл, дадлагажигч ажилчид тухайн цагдаагийн хэлтэст ажиллаж байгаа ахмад ажилчидтай яг адилхан үүрэг даалгаврыг гүйцэтгэж байгаа эсэхийг бататгадаг юм.[1]
  1. Хууль сахиулахын их сургуулийн Эрдэм шинжилгээ, хөгжлийн хүрээлэн, Цагдаагийн шинжлэх ухааны зарим нэр томьёоны гарын авлага, Улаанбаатар 2017