холбооны хууль сахиулах сургалтын төв

Хадмал үг

[англ. federal law enforcement training center (fletc)]

Тайлбар

Холбооны Хууль Сахиулах Сургалтын Төв (ХХССТ) нь Дотоодын Аюулгүй Байдлыг Хамгаалах Департментын (ДАБХД) харьяан доор үйл ажиллагаа явуулдаг бөгөөд түүний захирал нь Хилийн болон Тээврийн Аюулгүй Байдлын нарийн бичгийн даргын удирдлаган доор ажилладаг. Тус төв нь нийт үндэсний хэмжээнд үйл ажиллагаа явуулдаг 8 хүний бүрэлдэхүүнтэй, агентлаг хоорондын дарга нарыг хамруулсан захирлын зөвлөлтэй. ХХССТ-ийн захирал нь доороо 1 орлох захирал, 6 туслах захирал, хуулийн зөвлөгөө өгөх баг болон сургалтын үйл ажиллагааг хариуцсан 1 ерөнхий зөвлөхтэй.

Өнөөдрийн байдлаар ХХССТ нь үндэсний хэмжээнд 80 гаруй холбооны агентлагт сургалт явуулж ажилладаг. Тус төв нь хууль сахиулах алба хаагчдад сургалт явуулахаас гадна, мужийн, орон нутгийн болон олон улсын цагдаагийн газруудад заавар болон зөвлөгөө өгч ажилладаг. ХХССТ нь жилд дунджаар 50 гаруй алба хаагчдыг төгсгөдөг бөгөөд 200 сая долларын төсөвтэй юм. Одоогийн байдлаар, ХХССТ нь АНУ дахь хамгийн том сургалтын төв бөгөөд дэлхийн шилдгүүдийн нэг билээ.

Тус төв нь ойролцоогоор 200 гаруй сургалтын хөтөлбөр болон курс санал болгодог бөгөөд энэ нь цагдаагийн үйл ажиллагаа болон мөрдөн байцаалттай холбоотой хамгийн энгийн сургалтуудаас авахуулаад хамгийн гүнзгийрүүлсэн сургалтуудыг хамруулдаг. Мөн тэд алан хядах үйл ажиллагаатай тэмцэх олон улсын сургалтууд заадаг. Түүнчлэн, ХХССТ нь захиалагч байгууллагын хэрэгцээ, шаардлагад нийцүүлэн техникийн, захиргааны болон менежменттэй холбоотой тусгай үйлчилгээ үзүүлдэг.