холбооны мөрдөх товчооны сургалтын академи

Хадмал үг

[англ. federal bureau of investigation training- academy]

Тайлбар

ХМТ-ны Үндэсний Академийг анх 1935 онд байгуусан бөгөөд тус академи нь нийт АНУ болон олон улсын хэмжээнд хууль сахиулах алба хаагчдад мэргэжлийн болон академийн сургалт олгодог юм. Тус академийг 1930-аад оны үед Уикершамын Комиссын зүгээс үндэсний хэмжээнд хууль сахиулах үйл ажиллагааг тодорхой стандартад оруулж, мэргэжлийн болгох шаардлагатай байна гэсэн зөвлөмжийн дагуу байгуулсан юм. Уикершамын Комиссыг байгуулахаас өмнө цагдаагийн алба хаагчдын сургалтыг албан бус байдлаар явуулдаг байсан бөгөөд нэгдсэн сургалт гэж байдаггүй байв. Улмаар цагдаагийн алба хаагчийн ажил гүйцэтгэлд дан ганц түүний зан чанараас гадна, сургалт гэдэг зүйл чухал нөлөө үзүүлдэг болох нь тогтоогдсоноос хойш ХМТ-ын Академийг хууль сахиулах салбарын нэг том байгууллага гэж үзэх болсон.

ХМТ-ны Үндэсний Академийн харьяа нь доор Үндэсний Академи болон Олон Улсын Академиас гадна, хэд хэдэн мэргэжлийн нэгжүүд багтдаг (үүнд: Шинэ Төлөөлөгчдийн Сургалтын Тасаг болон Компьютерын Мөрдөн Байцаалтын Сургалтын Тасаг багтана). Академийн гол зорилго нь “хууль сахиулах алба хаагчдын хувийн болон мэргэжлийн хөгжлийг илүү орчин үеийн, динамик болон нарийн мэдлэг шаардсан арга техникт суурилан, суралцагчдын боловсрол болон судалгааны ажилд анхаарал хандуулан, дэлхийн өнцөг булан бүрт байгаа байгууллагуудтай хамтын ажиллагаа тогтоох замаар дэмжиж, идэвхжүүлж болон хурдасгах” юм. Академийн зорилгод бусдыг ямар нэгэн байдлаар гадуурхаж аль эсхүл тусгаарлана гэсэн заалт байхгүй.