халтар

Монголоор

Үгийн дуудлага

[xaltar]

Үндэсний бичиг

ᠬᠠᠯᠳ᠋‍ᠠ‍᠊ᠷ

(халтар)

Галиглах зарчим

Үгийн утга

I тэм.

1. Мал, амьтны зүсэм хээр, хар хээр; адууны ам, хамар, суга, цавьд цайвар, шарангуй өнгө хольцолдсон нь
2. Тэмээний хар зүсэмд шаравтар өнгө хольцолдсон байдал
3. Нохойны биеийн зүсэм хар бөгөөд нүд ам, хөлийн орчин үс шар цайвар газартай нь
4. Үнэгний шар буюу улаан үсэнд хар үс хольцолдсон нь

II тэм.

1. Цэвэр бус, хир буртагтай, алаг тарлан болсон нь
2. Алаг цоог, хааш яаш, хагас дутуу

Нийлмэл үг

халтар үрээ - хээр адууны хамар хоншоороо шаргал үстэй зүсэм

халтар нугас амьт. - хөх мөрний сав түүнээс ургаш нутагт тархсан өнгө халтар нэгэн зүйл тэжээвэр нугас

хээр халтар - хээр адууны хацар, хамар нь цайвар зүсэм

халтар тайлаг - хар өнгөн дээр шаравтар холилдсон зүсмийн тайлаг

дөрвөн нүдтэй улаан халтар нохой - хоёр нүдний дээр тус бүр нэжгээд бяцхан дүгрэг шаравтар толботой, хар зүсэм боловч нүд ам, хөлийн шилбэ улаавтар нохой

халтар үнэг - нүүр, өвдөг, сэрвээгээрээ бараан үс, бидэртэй үнэг

халтар гартай - хиртэй гартай

халтар мод - холтсыг нь цавчиж аваад хатаасан мод

халтар хултар унших - а.бичиг үсэг бага зэрэг гадарлах; б.уншсан болж оромдох

Зөв бичихзүй

Үг хувилгах зарчим

Кирил бичгийн зөв бичихзүй

хал|тар тэм.. хээр ~ II.(хиртэй) ~ гартай

Үндэсний бичгийн зөв бичихзүй

ᠬᠠᠯᠳ᠋‍ᠠ‍᠊ᠷᠳ᠋‍ᠠ‍ᡍᠣ
ᠬᠠᠯᠳ᠋‍ᠠ‍᠊ᠷᠳ᠋‍ᠠ‍ᡍᠣ᠊‍ᠠ‍‍ᠠ‍‍ᠠ‍᠊ᠨ

/~дуу /~дуухан

Хоршоо үг

• халтар хултар - а.алаг цоог, энд тэнд; б.шилж. хааш яаш, хагас дутуу

Хэлц үг

Өвөрмөц хэлц

халтар ухна - халтар нүүр царайтай

халтар ухна шиг - заваан хиртэй нүүр царайтай, цэвэр бус

Хэвшмэл хэлц

Хазгар хүргэн хадамсаг

Халтар нохой хуцамсаг

Халтар морио догшин гээд хардаж битгий ташуурд

Хань нөхрөө халамжгүй гээд муу битгий хэл