тэжээл

Монголоор

Үгийн дуудлага

[teʤe:l]

Үндэсний бичиг

ᠲ᠋‍ᠠ‍᠊ᠵ᠊ᠢ᠊ᠭᠡᠯ

(тэжигэл)

Галиглах зарчим

Үгийн утга

нэр.

1. Хүн, амьтны идэш уушны зүйлээс биед шингэж байгаа шимт зүйл
2. Хүн, малын идэшний зүйл
3. шилж. Янз бүрийн техник хэрэгслийн ажиллуулах зай.

Нийлмэл үг

тэжээл бэлтгэх - шимт чанараар харилцан адилгүй төрөл бүрийн тэжээлийг тогтоосон жор найрлагаар бэлтгэх

тэжээл өгөх - идэш хоол өгөх

тэжээл муутай - а.идэш хоол муутай; б.биед хэрэгтэй шимт бодос муутай

тэжээл сайтай - а.идэш хоол сайтай; б.биед хэрэгтэй шимт бодос ихтэй

тэжээл түгээгүүр - төрөл бүрийн тэжээлийг мал тэжээх онгоцонд тодорхой орцоор жигд тунлан тавих төхөөрөмж

тэжээлийн ангилал - тэжээлийг гадна байдал, физик шинж чанар, шим тэжээлийн бодосын хуримтлал зэрэг шинж чанараар нь бүлэглэх

тэжээлийн бааз - тэжээл бэлтгэж, агуулах газар

тэжээлийн манжин - мал, амьтан тэжээх нэг зүйл манжин

тэжээлийн шимт чанар - ургамал, амьтны гаралтай төрөл бүрийн тэжээлийн найрлагад байгаа бодос, мал амьтны махбодын хэрэгцээ шаардлагыг хангах чанарын үзүүлэлт

амин тэжээл - амьдруулах эм болон бусад зүйл

малын тэжээл - малд өгч тэжээж болох зүйлүүд

өвсөн тэжээл - өвс

сүүн тэжээл - сүүгээр хийсэн тэжээл

Зөв бичихзүй

Үг хувилгах зарчим

Кирил бичгийн зөв бичихзүй

тэ|жээл нэр. хүнс ~ хорш., тэжээлийн, тэжээлд, тэжээлээс, о.тоо тэжээлүүд

Хоршоо үг

• шим тэжээл - шим шүүс, бие организмд шаардлагатай элдэв бодос, амин дэм
• идэш тэжээл - мал амьтныг тэжээхээр бэлдсэн зүйл
• хүнс тэжээл - хүн, амьтны хэрэглэх хоол ундны зүйл
• тэжээл бордоо - мал амьтан, ургамлыг тордох тусгай бэлдмэл
• өвс тэжээл - мал тэжээхээр бэлдсэн ургамал ногоо, тариа будаа зэрэг

Товчилсон үг

МТБ Малын Тэжээл Бэлтгэл

МТББУАЭУК Малын Тэжээл Бэлтгэх, Бэлчээр Усжуулах Ажил Эрхэлсэн Улсын Комисс

ТТБ Тэжээл Тээврийн Бааз

Аман зохиолд орсон нь

Зүйр үг

Тэжээл муутай мал хомхой

Тэсвэр муутай хүн завхай

Тайлбар: тэсвэр муутай хүний явдал муу