сэтгэл судлал болон цагдаа

Хадмал үг

[англ.psychology and the police ]

===Тайлбар

хууль.

Орчин үед цагдаагийн байгууллагын үйл ажиллагааны онцлог, өөрийн өвөрмөц соёл байгаагийн зэрэгцээ цагдаагийн алба хаагчдад сэтгэл зүйн олон төрлийн үйлчилгээ хэрэгцээтэй байгааг сэтгэл зүйчид хүлээн зөвшөөрч тэдэнд туслахад хувь нэмрээ оруулах гэсэн хандлага өргөжиж байна.Олон улсын туршлагаас үзэхэд сэтгэл зүйчид цагдаагийн байгууллагад дараах хэлбэрээр туслаж хамтран ажиллаж байна. Үүнд:Ажилд орохыг хүссэн иргэнд сэтгэл зүйн үзлэг шинжилгээ хийх – хүсэлт гаргасан иргэнийг сэтгэл зүйн сорилд оруулан хууль сахиулах ажилд тэнцэх эсэх талаар дүгнэлт гаргаж өгнө. Сэтгэл зүйн сорилд сэтгэл санааны тогтвортой байдал, шийдвэр гаргах чадвар, бусадтай харилцааны чадвар багтдаг.Үүрэг гүйцэтгэх сэтгэл зүйн үнэлгээ – албан үүргээ гүйцэтгэхтэй холбоотой сэтгэл зүйн гэмтэл авах магадлал, аюулгүй байдлаа хангаж үр дүнтэй үүрэг гүйцэтгэх сэтгэл зүйн чадварыг тогтооно.Сэтгэл зүйн зөвлөгөө өгөх – цагдаагийн алба хаагчийн сэтгэл зүйн байдалд гүйцэтгэж байгаа ажил үүрэг нь нөлөөлж байгаа тохиолдолд сэтгэл зүйн зөвлөгөөг өгөх ба үүнд гэр бүлийн маргаан, зөрчил, эм хэтрүүлэн хэрэглэх, сэтгэл гутрал, айдас, амиа хорлох хандлага зэргийг хамруулна.Онцлог үйл явдлын талаар тайлбар өгөх – ажил үүргээ гүйцэтгэж байгаад сэтгэл зүйн хямралд орохоор онцгой тохиолдолд ажилласан алба хаагчийн хямралд орох, эмгэгт өртөхөөс сэргийлэх тодорхой давтамжтайгаар сэтгэл зүйн туслалцаа үзүүлэх арга.Сургалт – сэтгэл зүйчдээс алба хаагчдад зориулсан харилцааны чадвар, ярилцлага сурвалжлага хийх арга зүйн чадварыг дээшлүүлэх, стрессийг удирдах, сэтгэл зүйн хүч чадлыг нэмэгдүүлэх сургалтуудыг явуулна.Үйл ажиллагааны дэмжлэг – гэмт хэрэг мөрдөн шалгах ажиллагаа, хууль сахиулах нийтлэг ажиллагаа, хэлэлцээр хийх чадварыг хөгжүүлэх, тодорхой гэмт хэрэгтний талаар шинжээчээр ажиллах зэргээр үндсэн үйл ажиллагаанд сэтгэл зүйчид дэмжлэг үзүүлж ажиллана.Зохион байгуулалт – тодорхой нэгж байгууллага, алба хаагчид стратеги төлөвлөлт, удирдлагын хөгжлийн үр дүнг дээшлүүлэхэд сэтгэл зүйчид туслах ажиллагаа.