соёрхон батлах

Монголоор

Хадмал үг

[лат. ratificatio]

[англ. ratification]

[ор. ратификация]

Тайлбар

хууль.

1.олон улсын гэрээг С.б. нь тухайн улсын засаг төрийн дээд байгууллага, түүнээс олгосон бүрэн эрхийн дагуу байгуулсан олон улсын гэрээг батламжлах үйл ажиллагаа. С.б. нь гагцхүү нэлээд нэн чухал олон улсын гэрээнд хамаарагдана. Ихэнх улсын үндсэн хуульд олон улсын гэрээг С.б. эрхийг төрийн тэргүүн (хууль тогтоох дээд байгууллагын зөвшөөрөлтэй буюу зөвшөөрөлгүйгээр), эсхүл хууль тогтоох дээд байгууллагын эрх хэмжээнд хамааруулсан байна. МУ-ын үндсэн хуульд заасны дагуу засгийн газрын өргөн мэдүүлснээр МУ-ын олон улсын гэрээг С.б. бүрэн эрх УИХ-д хадгалагдана.

2. үндсэн хуулийн нэмэлтийг С.б. – тухайн улсын парламентын баталсан үндсэн хуульд нэмэлт буюу өөрчлөлт оруулсан эх бичвэрийг холбооны субъект, ард нийтийн санал асуулгаар буюу тусгайлан байгуулагдсан байгууллага батламжлах үйл ажиллагаа. С.б. тодорхой процедурыг үндсэн хуулиар тогтооно. Тухайлбал, АНУ-ын үндсэн хуульд оруулсан нэмэлтийг АНУ-ын конгресс баталсны дараа хууль тогтоох хурал буюу ѕ-ээс доошгүй штатын тусгай конвент батламжилсан байх ёстой. Австралид үндсэн хуулийн нэмэлтийн төслийг парламент дэмжсний дараа ард нийтийн санал асуулгаар улс орны сонгогчдын олонхын саналаар ба олонх штат төслийг батламжилсан байхыг шаардана.

Creative Commons