солиорол

Монголоор

Үгийн дуудлага

[]

Үндэсний бичиг

ᠰᠣ᠊᠊ᠯ᠊ᠢ᠊ᠶᠡ᠊ᠷ‍ᠠ‍ᠯ

Галиглах зарчим

Үгийн утга

нэр.

1. Солиорох үйлийн нэр;
2. Сэтгэцийн үйл ажиллагаа мэдэгдэхүйц өөрчлөгдөж, өөрийн хийж байгаа үйлдлээ ухамсарлан ойлгож чадахгүй болох үзэгдэл;
3. шилж. Сэтгэлийн хөөрөлд автан дэмий чалчих явдал

Нийлмэл үг

цөмийн солиорол - цөмийн зэвсгээр хөөцөлдөх дон

Зөв бичихзүй

Үг хувилгах зарчим

Этгээд үг

МЭДРЭЛ н. сэтгэцийн өвчинтэй, тэнэглэлтэй

• Чи мэдрэл юм аа. Болзсон цагаасаа үргэлж хоцорч байх юм.
• Би мэдрэл юм болохоороо булхайгаа нуухгүй түүнд үнэнээ хэлчихсэн юм билээ.

МЭДРЭЛТЭХ тбү. тэнэглэх, тэнэгтэх

• Чи их сургуулиасаа гарч мэдрэлтэхгүй байсан юм аа.
• Би мэдрэлтээд замаараа дэлгүүр орохгүй шууд гэртээ ирчихжээ.

МЭЕЭТЭЙ б.аө.солиотой, тэнэглэлтэй(“мэдрэл” хэмээх үгээс үүссэн)

• Тэр залуу жаахан мэеэтэй байх аа. Заримдаа юм ярьж байгаад учиргүй инээх юм.
• Би мэеэ байх аа. Хичээлийнхээ даалгаврыг хийхээ мартчихжээ.

(ТАРХИНДАА) СУМТАЙ б.сэтгэцийн өвчинтэй, хийрхэлтэй(Их хурлын нэгэн гишүүн өрөөнийхөө үүдэнд сум тавиад зар тарааснаас үүссэн хэллэг)

• Тэр тархиндаа сумтай байх аа. Хүний яриа ойлгохгүй юм.
• Тэр сумтай байх аа, хүний яриа ойлгохгүй нэг бол инээгээд, нэг бол уурлаад байх юм.

(ШАЛ) ГАЖИГ н. ухаан муутай, солиоролтой

• Чи шал гажиг байх аа. Маргахгүй юман дээр надтай маргаад байх юм.
• Тэр гажиг чамд юу яриад байна.

ШАР ХАДНЫХ н. мэдрэл, ухаан муу хүн

• Би шар хадных байх аа. Чиний захисан зүйлийг мартаад ирчихжээ.
• Чи шар хадных байх аа, хүн юм асуухаар огт өөр юм хариулах юм.

ЮМТАЙ б.сэтгэцийн өвчинтэй, хийрхэлтэй

• Тэр залуу жаахан юмтай байх аа. Намайг танихгүй мөртөө “Би чамд хайртай шүү” гэж надад хэлсэ н.
• Би түүнийг юмтай нөхөр гэж боддог. Яагаад гэхээр тэр үргэлж өөрийгөө магтаж явдаг юм.

Хэлц үг